ന്യൂഡൽഹി: പാർട്ടി നേതൃത്വവുമായുള്ള അഭിപ്രായ ഭിന്നതയെ തുടർന്ന് കോൺഗ്രസിന്റെ സമൂഹ മാധ്യമ വിഭാഗം മേധാവി ദിവ്യ സ്പന്ദന (രമ്യ) രാജിവച്ചതായി റിപ്പോർട്ട്. എന്നാൽ കോൺഗ്രസ് നേതൃത്വം ഇക്കാര്യം നിഷേധിച്ചു.
അടുത്തിടെ നടന്ന പാർട്ടി പരിപാടികളിൽ നിന്ന് ദിവ്യ വിട്ടുനിന്നിരുന്നു. പ്രധാനമന്ത്രി നരേന്ദ്ര മോദിയെ കള്ളനെന്ന് വിളിച്ചതിന് ദിവ്യക്കെതിരെ യു.പി പൊലീസ് രാജ്യദ്രോഹത്തിന് കേസെടുത്തിരുന്നു. ഇതിന് പിന്നാലെ മോദിയെ കള്ളനെന്ന് വിളിച്ച് വിണ്ടും ദിവ്യ രംഗത്തെത്തിയിരുന്നു. ഇതിൽ അതൃപ്തി രേഖപ്പെടുത്തിയ കോൺഗ്രസ് അധ്യക്ഷൻ ചുമതലകൾ നിഖിൽ ആൽവക്ക് കൈമാറിയെന്നാണ് റിപ്പോർട്ട്. ഇതിൽ പ്രതിഷേധിച്ചാണ് ദിവ്യ വിട്ടു നിൽക്കുന്നതെന്നാണ് വിവരം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.