ഇരട്ടമാസ്​ക്​ ഗുണം ചെയ്യുമോ? വിദഗ്​ധർ പറയുന്നത്​ ഇങ്ങനെ

ന്യൂഡൽഹി: കോവിഡ്​ വ്യാപനം പിടിവിട്ട്​ കുതിക്കുന്ന സാഹചര്യത്തിൽ മറന്നുപോയ പല ശീലങ്ങളും പൊടിതട്ടിയെടുക്കുകയാണ്​ ജനങ്ങൾ.

അതീവ ഗുരുതര സാഹചര്യത്തിൽ കോറോണ വൈറസിൽ നിന്ന്​ സംരക്ഷണത്തിനായി രണ്ട്​ മാസ്​ക്​ വേണമോയെന്ന ചിന്തയിലാണ്​ പലരും. തങ്ങൾ ധരിക്കുന്ന തുണിമാസ്​കിന്​​ ഇരട്ട വകഭേദവുമായി വരുന്ന ​വൈറസിനെ ചെറുക്കാനാകുമോയെന്നാണ് അവരുടെ​ സംശയം.

കോവിഡ്​ ബാധ രൂക്ഷമാകുന്ന സാഹചര്യത്തിൽ ഏറ്റവും ഫലപ്രദമായ പ്രതിരോധ മാർഗങ്ങൾ കൈകൊള്ളുന്നതാണ്​ നല്ലത്​. കോവിഡ്​ ചങ്ങല പൊട്ടിക്കാനും രോഗം ബാധിക്കാനുള്ള സാധ്യത കുറക്കാനും രണ്ട്​ മാസ്​കുകൾ ഒരേ സമയം ഉപയോഗിക്കുന്നത്​ (ഇരട്ടമാസ്​ക്​) ഉപകരിക്കുമെന്നാണ്​ മുംബൈ കല്യാണിലെ ഫോർട്ടിസ്​ ആശുപത്രിയിലെ ഡോക്​ടറായ കീർത്തി ശബനിഷ്​ പറയുന്നത്​.

'സെന്‍റർ ഫോർ ഡിസീസ്​ കൺട്രോൾ ആൻഡ്​ പ്രിവൻഷൻ അടുത്തിടെ നടത്തിയ പഠന​പ്രകാരം രണ്ട്​ മാസ്​ക്​ ധരിക്കുന്നത്​ കോവിഡ്​ ബാധിക്കാനുള്ള സാധ്യത 96.4 ശതമാനമായി കുറക്കുന്നുണ്ട്' -ഡോ. കീർത്തി പറഞ്ഞു​.

എന്താണ്​ ഇരട്ട മാസ്​ക്​​

ഒരാൾ ഒരു മാസ്​കിന്​ മുകളിൽ രണ്ടാമതൊരു മാസ്​ക്​ കൂടി ധരിക്കുന്നതിനെയാണ്​ ഡബിൾ മാസ്​കിങ്​ അല്ലെങ്കിൽ ഇരട്ടമാസ്​ക്​​ എന്ന്​ വിളിക്കുന്നത്​.

കോറോണ വൈറസ് സ്രവങ്ങളിലൂടെയാണ്​ പകരുന്നതെന്നതിനാൽ നിങ്ങൾക്ക് ചുറ്റുമുള്ള ആരെങ്കിലും തുമ്മുകയോ ചുമക്കുകയോ ചെയ്താൽ ഇരട്ട മാസ്​കിന്‍റെ രണ്ട് പാളികൾ സംരക്ഷണം നൽകും.

എവിടെയെല്ലാം ഇരട്ട മാസ്​ക്​ ധരിക്കാം

വിമാനത്താവളങ്ങൾ, ബസ്​സ്റ്റാൻഡുകൾ, മാർക്കറ്റ്​, പൊതുഗതാഗത സംവിധാനം എന്നിവയിൽ എല്ലാം ഇരട്ട മാസ്​ക്​ ഉപയോഗ​െപടുത്തുന്നത്​ ഗുണകരമാണ്​.

എങ്ങനെ ഇരട്ട മാസ്​ക്​ ധരിക്കാം

സർജിക്കൽ മാസ്​കിന്​ മുകളിൽ തുണി മാസ്​ക്​ ധരിക്കുന്നതാണ്​ ഒരു രീതി. രണ്ട്​ തുണി മാസ്​കുകൾ ധരിക്കുന്നതാണ്​ രണ്ടാമത്തേത്​. ത്രീപ്ലൈമാസ്​കിന്‍റെ മുകളിൽ ഒരു തുണി മാസ്​ക്​ ധരിക്കുന്നതും നല്ലതാണ്​.

ജനങ്ങൾ തിങ്ങിനിറഞ്ഞ സ്​ഥലങ്ങളിൽ മാസ്​കിന്​ പുറമേ ഫേസ്​ ഷീൽഡ്​ കൂടി അണിയുന്നത്​ കൂടുതൽ സുരക്ഷിതത്വം നൽകും. എൻ 95 മാസ്​കാണ്​ നിങ്ങൾ ഉപയോഗിക്കുന്നതെങ്കിൽ ഇരട്ട മാസ്​ക്​ ഇടേണ്ട കാര്യമില്ല. കുട്ടികൾക്ക്​ ഇരട്ട മാസ്​ക്​ ധരിപ്പിക്കാൻ പാടില്ല.

മാസ്​ക്​ ധരിക്കു​േമ്പാൾ ചെയ്യേണ്ടത്​:

• ഉപയോഗ ശേഷം തുണി മാസ്​ക്​ ചൂടുവെള്ളത്തിൽ കഴുകുക
  
• മൂക്കും വായും മറയത്തക്ക വിധം മാസ്​ക്​ കൃത്യമായി ധരിക്കുക
  
• ബന്ധുക്കൾ പരസ്​പരം മാസ്​ക്​ കൈമാറി ഉപയോഗിക്കാൻ പാടില്ല
  
• മാസ്​ക്​ അഴിച്ച ശേഷം കൈകൾ അണുവിമുക്തമാക്കുക
  
• ഡിസ്​പോസിബിൾ മാസ്​ക്​ ഉപയോഗ ശേഷം ബന്ധപ്പെട്ട സ്​ഥലത്ത്​ മാത്രം നിക്ഷേപിക്കുക
  
• കൃത്യമായ ഇടവേളകളിൽ മാസ്​ക്​ മാറ്റി ധരിക്കുക.
  
• മാസ്​ക്​ ധരിച്ചാലും സാമൂഹിക അകലം പാലിക്കാൻ ശ്രദ്ധിക്കുക
  

മാസ്​ക്​ ധരിക്കു​േമ്പാൾ ചെയ്യാൻ പാടില്ലാത്തത്​:

• മാസ്​ക്​ കഴുത്തിലോ താടിയിലോ ധരിക്കരുത്​
  
• നനഞ്ഞ മാസ്​ക്​ ധരിക്കരുത്​
  
• മാസ്​കിൽ ഇടക്കിടെ സ്​പർഷിക്കരുത്​
  
• സംസാരിക്കു​േമ്പാൾ മാസ്​ക്​ താഴ്​ത്തരുത്​