ന്യൂഡൽഹി: ഭാരത് ജോഡോ യാത്രയിൽ രാഹുൽ ഗാന്ധി നടത്തിയ പ്രസംഗത്തെ കുറിച്ചുള്ള വിവരങ്ങൾ തേടാൻ ഡൽഹി പൊലീസ് അദ്ദേഹത്തിന്റെ വസതിയിലെത്തി. ഞായറാഴ്ച രാവിലെയാണ് സ്പെഷ്യൽ കമീഷണർ സാഗർ പ്രീത് ഹൂഡയുടെ നേതൃത്വത്തിലുള്ള പൊലീസ് സംഘം രാഹുലിന്റെ വസതിയിലെത്തിയത്.
ഭാരത് ജോഡോയാത്രയിലെ ലൈംഗികാതിക്രമത്തിന് ഇരയായവരെ കുറിച്ചുള്ള രാഹുലിന്റെ പ്രസ്താവനയിൽ വിവരം തേടാനാണ് പൊലീസെത്തിയത്. മാർച്ച് 16ന് ഇതുസംബന്ധിച്ച് ഡൽഹി പൊലീസ് രാഹുൽ ഗാന്ധിക്ക് നോട്ടീസ് നൽകിയിരുന്നു.
കൂട്ടബലാത്സംഗത്തിനിരയായെന്ന് ചില സ്ത്രീകൾ തന്നോട് വെളിപ്പെടുത്തിയെന്നായിരുന്നു ഭാരത് ജോഡോ യാത്രക്കിടയിൽ രാഹുലിന്റെ പരാമർശം. ഇക്കാര്യത്തിലാണ് ഡൽഹി പൊലീസ് വിവരങ്ങൾ തേടിയത്. വിശദമായ ചോദ്യാവലിയും ഡൽഹി പൊലീസ് രാഹുലിന് കൈമാറിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.