ചെന്നൈ: ചെന്നൈ യൂനിഫൈഡ് മെട്രോപൊളിറ്റൻ ട്രാൻസ്പോർട്ട് അതോറിറ്റി (സി.യു.എം.ടി.എ) വികസിപ്പിച്ച ‘ചെന്നൈ വൺ’ ആപ് തിങ്കളാഴ്ച മുഖ്യമന്ത്രി എം.കെ. സ്റ്റാലിൻ പുറത്തിറക്കും. എല്ലാ പൊതുഗതാഗത സംവിധാനങ്ങളും ഒരേ ഡിജിറ്റൽ പ്ലാറ്റ്ഫോമിന് കീഴിൽ സംയോജിപ്പിക്കുന്ന രാജ്യത്തെ ആദ്യ നഗരമായി ചെന്നൈ മാറും.
ആപ്പിലൂടെ ബസുകൾ, മെട്രോ ട്രെയിനുകൾ, സബർബൻ റെയിൽ, കാബുകൾ, ഓട്ടോറിക്ഷകൾ എന്നിവയിലുടനീളം ഒരൊറ്റ ക്യൂ.ആർ വഴി ടിക്കറ്റ് ഉപയോഗിക്കാം. യു.പി.ഐയിലൂടെയും മറ്റ് ഡിജിറ്റൽ പേയ്മെന്റ് സംവിധാനങ്ങളിലൂടെയും ടിക്കറ്റ് വാങ്ങാം. ബസുകളുടെയും ട്രെയിനുകളുടെയും വരവും പുറപ്പെടലും സംബന്ധിച്ച തത്സമയ അപ്ഡേറ്റുകളും ഇതിലുണ്ടാകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.