ന്യൂഡൽഹി: കേന്ദ്രമന്ത്രി സ്മൃതി ഇറാനിക്കെതിരായ സ്ത്രീ വിരുദ്ധ പരാമർശത്തിന് യു.പി കോൺഗ്രസ് നേതാവ് അജയ് റായിക്കെതിരെ കേസെടുത്തു. അപകീർത്തിപ്പെടുത്തൽ, ലൈംഗിക ചുവയോടെ സംസാരിക്കൽ തുടങ്ങിയ വകുപ്പുകൾ പ്രകാരമാണ് കേസ്. യു.പി റോബർട്ട്സ്ഗഞ്ച് പൊലീസാണ് കേസെടുത്തത്.
ബി.ജെ.പി നേതാവ് പുഷ്പ സിങ്ങിന്റെ പരാതിപ്രകാരമാണ് നടപടി. അജയ് റായിയെ ചോദ്യം ചെയ്യുമെന്നു പൊലീസ് പറഞ്ഞു.
അജയ് റായ്ക്ക് എതിരെ വനിത കമ്മീഷനും നോട്ടീസ് അയച്ചിരുന്നു. റായ് നേരിട്ട് ഹാജരാകണമെന്നാണ് വനിത കമ്മീഷൻ ആവശ്യപ്പെട്ടത്.
സ്മൃതി ഇറാനി അമേഠിയിൽ എത്തുന്നത് ദുരുദ്ദേശ്യത്തോടെയാണെന്നും മണ്ഡലം 2024ൽ രാഹുൽ ഗാന്ധി തിരിച്ചുപിടിക്കുമെന്നുമായിരുന്നു റായിയുടെ പ്രസ്താവന.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.