കൊൽക്കത്ത: പശ്ചിമ ബംഗാൾ പൊലീസിനും മുഖ്യമന്ത്രി മമത ബാനർജിക്കുമെതിരെ രൂക്ഷ വിമർശനവുമായി ബി.ജെ.പി നേതാവ് രാജു ബാനർജി. സംസ്ഥാനത്തെ ഗുണ്ടാരാജ് തടയാൻ പൊലീസ് ഒന്നും ചെയ്യുന്നില്ലെന്നും ബി.ജെ.പി അധികാരത്തിലെത്തിയാൽ അവരെക്കൊണ്ട് ബൂട്ട് നക്കിപ്പിക്കുമെന്നും ബാനർജി അഭിപ്രായപ്പെട്ടു.
ദുർഗാപൂരിൽ ബി.ജെ.പി പരിപാടിയിൽ സംബന്ധിക്കവേ ബാനർജി പറഞ്ഞതിങ്ങനെ: എന്താണ് ബംഗാളിൽ ഇന്ന് സംഭവിക്കുന്നത്. ഗുണ്ടാരാജ് സംസ്ഥാനത്ത് ഇനിയും ജയിക്കുമോ? പൊലീസ് യാതൊരു സഹായവും നൽകുന്നില്ല. അത്തരം പൊലീസ് ഉദ്യോഗസ്ഥരെ എന്തുചെയ്യണം?. അവരെക്കൊണ്ട് ഞങ്ങൾ ബൂട്ട് നക്കിപ്പിക്കും.
മമത ബാനർജിയുടെ കീഴിൽ ബംഗാളിലെ നിയമ സംവിധാനം തകർന്നെന്ന് ആരോപിച്ച് സംസ്ഥാനത്തൊട്ടാകെ ബി.ജെ.പി വലിയ പ്രചാരണത്തിലാണ്. സ്ത്രീ സുരക്ഷ സംസ്ഥാനത്ത് വളരെ മോശമാണെന്ന് ബി.ജെ.പി ബംഗാൾ അധ്യക്ഷൻ വിജയ് വർഗീയ ആരോപിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.