സീറ്റ് നിഷേധിച്ചതിനെ ചൊല്ലി തർക്കം; രാജസ്ഥാനിൽ പ്രവർത്തകരെ സസ്പെൻഡ് ചെയ്ത് ബി.ജെ.പി

ജയ്പൂർ: രാജസ്ഥാനിൽ സീറ്റ് വിഭജനവുമായി ബന്ധപ്പെട്ടുണ്ടായ സംഘർഷത്തിൽ പ്രവർത്തകരെ സസ്പെൻഡ് ചെയ്ത് ബി.ജെ.പി. രാജ്സാമന്തിലെ പാർട്ടി ഓഫീസ് തകർത്തതിനാണ് സസ്പെൻഷൻ.

രണ്ടാംഘട്ട സ്ഥാനാർത്ഥി പട്ടികയിലും എട്ട് എം.എൽ.എമാർക്ക് ടിക്കറ്റ് നിഷേധിച്ചതോടെയാണ് പ്രതിഷേധം കനത്തത്. പാർട്ടിയുടെ തീരുമാനത്തോട് വിയോജിപ്പ് വ്യക്തമാക്കി ഛിത്തോർ​ഗഡ് എം.എൽ.എ ചന്ദ്രബൻ സിങ് ആക്യ രം​ഗത്തെത്തിയിരുന്നു. പാർട്ടി തീരുമാനത്തിൽ മാറ്റമുണ്ടോ എന്നറിയാൻ 24 മണിക്കൂർ കൂടി കാത്തിരിക്കുമെന്നും തീരുമാനത്തിൽ മാറ്റമില്ലെങ്കിൽ പാർട്ടിയിൽ നിന്ന് മാറി സ്വതന്ത്രനായി മത്സരിക്കുമെന്നും അദ്ദേഹം വ്യക്തമാക്കി.

ശനിയാഴ്ച മുതലാണ് ആക്യയുടെ അനുയായികൾ പ്രതിഷേധവുമായി രം​ഗത്തെത്തിയത്. ഛത്തോർ​ഗഡിൽ നിന്നും പാർട്ടി പുതുതായി പ്രഖ്യാപിച്ച സ്ഥാനാർഥിയെ വരുത്തൻ എന്ന് വിളിച്ചായിരുന്നു അനുയായികളുടെ പ്രതിഷേധം. ഉദയ്പൂരിൽ ഡെപ്യൂട്ടി മേയറും പ്രതിഷേധവുമായി രം​ഗത്തെത്തിയിരുന്നു. തനിക്ക് ടിക്കറ്റ് നിഷേധിച്ചത് അനീതിയാണെന്ന് ചൂണ്ടിക്കാട്ടിയായിരുന്നു ഡെപ്യൂട്ടി മേയർ പരസ് സിങ്വിയുടെ പ്രതിഷേധം.

ഒക്ടോബർ 9നാണ് ബി.ജെ.പി ആദ്യ സ്ഥാനാർത്ഥി പട്ടിക പുറത്തുവിട്ടത്. മു​ൻ മു​ഖ്യ​മ​ന്ത്രി വ​സു​ന്ധ​ര രാ​​ജെ​ക്കും അ​നു​യാ​യി​ക​ൾ​ക്കും പാർട്ടി സീറ്റ് നൽകിയിരുന്നു. വ​സു​ന്ധ​ര​ക്ക് സീ​റ്റ് ന​ൽ​കാ​ത്ത​ത് പ്ര​തി​പ​ക്ഷം ബി.​ജെ.​പി​ക്കെ​തി​രെ ആ​യു​ധ​മാ​ക്കു​ന്ന​തി​നി​ട​യി​ലാ​ണ് അ​വ​രോ​ടൊ​പ്പം നി​ൽ​ക്കു​ന്ന 12 നേ​താ​ക്ക​ൾ​ക്കും ബി.​ജെ.​പി 83 പേ​രു​ള്ള ര​ണ്ടാം പ​ട്ടി​ക​യി​ൽ സീ​റ്റ് ന​ൽ​കി​യ​ത്. ആ​ദ്യ​പ​ട്ടി​ക​യി​ൽ സീ​റ്റ് നി​ഷേ​ധി​ച്ച ഭൈ​റോ​ൺ സി​ങ് ശെ​ഖാ​വ​ത്തി​ന്റെ മ​രു​മ​ക​നും വ​സു​ന്ധ​ര​ക്കൊ​പ്പം നി​ൽ​ക്കു​ന്ന നേ​താ​വു​മാ​യ ന​ർ​പ​ത് സി​ങ്ങ് രാ​ജ്‍വി​ക്കും അ​ണി​ക​ളു​ടെ പ്ര​തി​ഷേ​ധ​ത്തെ തു​ട​ർ​ന്ന് സീ​റ്റ് ന​ൽ​കാ​ൻ ബി.​ജെ.​പി നി​ർ​ബ​ന്ധി​ത​മാ​യി. ര​ണ്ടു ത​വ​ണ മു​ഖ്യ​മ​ന്ത്രി​യാ​യ 70കാ​രി​യാ​യ വ​സു​ന്ധ​ര രാ​ജെ 2003 മു​ത​ൽ അ​വ​ർ പ്ര​തി​നി​ധീ​ക​രി​ക്കു​ന്ന ഝ​ൽ​റാ​പാ​ഠ​ൻ നി​യ​മ​സ​ഭാ മ​ണ്ഡ​ല​ത്തി​ൽ​നി​ന്ന് മ​ത്സ​രി​ക്കും. ന​ർ​പ​ത് സി​ങ് രാ​ജ്‍വി, ശ്രീ​ച​ന്ദ് കൃ​പ​ലാ​നി, അ​ശോ​ക് ഡോ​ഗ്ര, പ്ര​താ​പ് സി​ങ് സി​ങ്‍വി, സി​ദ്ധി കു​മാ​രി തു​ട​ങ്ങി വ​സു​ന്ധ​​ര ക്യാ​മ്പി​ലെ 12 നേ​താ​ക്ക​ൾ​ക്കാ​ണ് ര​ണ്ടാം പ​ട്ടി​ക​യി​ൽ സ്ഥാ​നാ​ർ​ഥി​ത്വം ല​ഭി​ച്ച​ത്. ഏ​ഴ് സി​റ്റി​ങ് എം.​എ​ൽ.​എ​മാ​ർ​ക്ക് ര​ണ്ടാം പ​ട്ടി​ക​യി​ൽ സീ​റ്റ് നി​ഷേ​ധി​ച്ചു. അ​ഞ്ചു ത​വ​ണ എം.​എ​ൽ.​എ​യാ​യ രാ​ജ്‍വി സീ​റ്റ് നി​ഷേ​ധ​ത്തി​ൽ രോ​ഷാ​കു​ല​നാ​യി ബി.​ജെ.​പി​ക്കെ​തി​രെ രം​ഗ​ത്തു​വ​ന്നി​രു​ന്നു.