ഭീതിയൊഴിയാതെ ഹോസ്റ്റൽ കോംപ്ലക്സ് പരിസരം

അ​ഹ്മ​ദാ​ബാ​ദ്: എ​യ​ർ ഇ​ന്ത്യ 171 വി​മാ​നം അ​ഹ്മ​ദാ​ബാ​ദ് വി​മാ​ന​ത്താ​വ​ള​ത്തി​ന​രി​കി​ലു​ള്ള മെ​ഡി​ക്ക​ൽ കോ​ള​ജ് ഹോ​സ്റ്റ​ൽ കോം​പ്ല​ക്സി​ൽ ത​ക​ർ​ന്നു​വീ​ണ് ഒ​രു മാ​സം പി​ന്നി​ടു​മ്പോ​ൾ, ഈ ​കെ​ട്ടി​ട​ത്തി​ലും പ​രി​സ​ര​ത്തും ഇ​പ്പോ​ഴും ഭീ​തി​ജ​ന​ക​മാ​യ നി​മി​ഷ​ങ്ങ​ളു​ടെ ഓ​ർ​മ ത​ളം​കെ​ട്ടി​നി​ൽ​ക്കു​ന്നു.

ക​രി​ഞ്ഞ മ​ര​ങ്ങ​ളും പൊ​ടി​യി​ൽ കു​ളി​ച്ച ചു​മ​രു​ക​ളും പ്രേ​താ​ല​യം ക​ണ​ക്കെ ആ​ളൊ​ഴി​ഞ്ഞ കെ​ട്ടി​ട​ങ്ങ​ളു​മാ​ണ് ബി.​ജെ മെ​ഡി​ക്ക​ൽ കോ​ള​ജ് ഹോ​സ്റ്റ​ൽ കോം​പ്ല​ക്സി​ന്റെ ഈ ​ഭാ​ഗ​ങ്ങ​ളി​ലു​ള്ള​ത്. അ​ന്ന് ഉ​ച്ച​ഭ​ക്ഷ​ണ​ത്തി​നാ​യി മെ​സ്സി​ലും ഹോ​സ്റ്റ​ൽ മു​റി​ക​ളി​ലു​മെ​ത്തി​യ​താ​യി​രു​ന്നു വി​ദ്യാ​ർ​ഥി​ക​ൾ. ചി​ല റെ​സി​ഡ​ന്റ് ഡോ​ക്ട​ർ​മാ​രും സ്ഥ​ല​ത്തു​ണ്ടാ​യി​രു​ന്നു. പൊ​ടു​ന്ന​നെ​യാ​ണ് ദു​ര​ന്ത​മെ​ത്തി​യ​ത്.

വി​മാ​നം മെ​സ് ബി​ൽ​ഡി​ങ് തു​ള​ച്ചു​ക​യ​റി. ഒ​രു സാ​ധാ​ര​ണ ഉ​ച്ച​നേ​രം അ​തി​ഭീ​ക​ര ദി​ന​മാ​വു​ക​യാ​യി​രു​ന്നു. ഹോ​സ്റ്റ​ൽ പ​രി​സ​ര​മാ​കെ കെ​ട്ടി​ട​ത്തി​ന്റെ​യും വി​മാ​ന​ത്തി​ന്റെ​യും അ​വ​ശി​ഷ്‍ട​ങ്ങ​ൾ പ​ട​ർ​ന്നു. ഇ​പ്പോ​ഴും ഇ​വി​ടെ കാ​ര്യ​മാ​യ ആ​ൾ​പെ​രു​മാ​റ്റ​മി​ല്ല. 50ല​ധി​കം പൊ​ലീ​സു​കാ​രെ എ​പ്പോ​ഴും കാ​ണാം. അ​ത്ര​മാ​ത്രം.

‘എ​യ​ർ​ക്രാ​ഫ്റ്റ് ആ​ക്സി​ഡ​ന്റ് ഇ​ൻ​വെ​സ്റ്റി​ഗേ​ഷ​ൻ ബ്യൂ​റോ’​യു​ടെ റി​പ്പോ​ർ​ട്ട് നാ​ലു ദി​വ​സ​ത്തി​ന​കം കി​ട്ടു​മെ​ന്നും അ​തി​നു​പി​ന്നാ​ലെ പൊ​ലീ​സു​കാ​രെ പി​ൻ​വ​ലി​ക്കു​മെ​ന്നും പൊ​ലീ​സ് അ​ഡീ​ഷ​ന​ൽ ക​മീ​ഷ​ണ​ർ ജ​യ്പാ​ൽ സി​ങ് രാ​ത്തോ​ർ പ​റ​ഞ്ഞു.

വി​മാ​നം താ​ഴേ​ക്ക് പ​തി​ക്കാ​ൻ തു​ട​ങ്ങി​യ​ത് മു​ത​ൽ പ​ല മ​ര​ങ്ങ​ളി​ലും ഉ​ര​സു​ക​യും ആ​ർ​മി മെ​ഡി​ക്ക​ൽ കോ​ർ കോ​മ്പൗ​ണ്ടി​ലെ പു​ക​ക്കു​ഴ​ൽ ത​ക​ർ​ത്ത് മെ​ഡി​ക്ക​ൽ കോ​ള​ജ് ഹോ​സ്റ്റ​ൽ മെ​സി​ന്റെ വ​ട​ക്കു കി​ഴ​ക്ക് ഭാ​ഗ​ത്തു​ള്ള ചു​മ​രി​ൽ ഇ​ടി​ക്കു​ക​യു​മാ​യി​രു​ന്നു. ഈ ​ചു​മ​രും വി​മാ​നം ആ​ദ്യ​മി​ടി​ച്ച മ​ര​വും ത​മ്മി​ൽ 293 അ​ടി​യാ​ണ് ദൂ​രം.