താണെ: എൻ.സി.പി അധ്യക്ഷൻ ശരദ് പവാറിനെ മോശമായി ചിത്രീകരിക്കുന്ന വരികൾ ഫേസ്ബുക്കിൽ പങ്കുവെച്ച മറാത്തി നടി കേതകി ചിതലെയെ കോടതി മേയ് 18 വരെ പൊലീസ് കസ്റ്റഡിയിൽ റിമാൻഡ് ചെയ്തു.
പുണെ സൈബർ പൊലീസും കേസെടുത്തിട്ടുണ്ട്. താണെ പൊലീസ് റിമാൻഡ് കാലാവധി കഴിയുന്നതോടെ ചിതലെയുടെ കസ്റ്റഡി ആവശ്യപ്പെടുമെന്ന് പുണെ പൊലീസ് വ്യക്തമാക്കി.
17ാം നൂറ്റാണ്ടിലെ കവി തുക്കാറാമിനെതിരെ പരാമർശം നടത്തിയതായും ഇവർക്കെതിരെ പരാതിയുണ്ട്. പവാറിനെ അധിക്ഷേപിക്കും വിധമുള്ള പോസ്റ്റ് പങ്കുവെച്ചതിന് ഒരു ഫാർമസി വിദ്യാർഥിയും അറസ്റ്റിലായിട്ടുണ്ട്.
'നരകം കാത്തിരിക്കുന്നു', 'നിങ്ങൾ ബ്രാഹ്മണരെ വെറുക്കുന്നു' തുടങ്ങി കവിതപോലെ എഴുതിയ വാചകങ്ങളാണ് പവാറിനെ ലക്ഷ്യമിട്ട് ഇവർ പങ്കുവെച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.