കൊൽക്കത്ത: കൊൽക്കത്ത ഹൈകോടതി ജഡ്ജിപദവി രാജിവെച്ച് ബി.ജെ.പിയിൽ ചേർന്ന അഭിജിത്ത് ഗംഗോപാധ്യായിയുടെ, മമത ബാനർജിക്കെതിരായ പ്രസ്താവന വിവാദത്തിൽ. പശ്ചിമ ബംഗാളിലെ തംലൂക് ലോക്സഭ മണ്ഡലത്തിലെ ബി.ജെ.പി നേതാവുകൂടിയായ അഭിജിത്ത് കഴിഞ്ഞദിവസം നടത്തിയ പ്രസംഗ വിഡിയോയിൽ ‘മമതയുടെ മരണമണി മുഴങ്ങിക്കഴിഞ്ഞു’വെന്നുതുടങ്ങുന്ന പ്രസ്താവനയാണ് വിവാദത്തിലായിരിക്കുന്നത്.
അഭിജിത്തിന്റെ പ്രസ്താവനയിലൂടെ അദ്ദേഹത്തിന്റെയും ബി.ജെ.പിയുടെയും അസഹിഷ്ണുത വ്യക്തമായെന്ന് തൃണമൂൽ നേതാവും മന്ത്രിയുമായ ശശി പഞ്ജ പറഞ്ഞു. നേരത്തേ, ഗോദ്സെയെ അനുകൂലിച്ച് ഒരു അഭിമുഖത്തിൽ സംസാരിച്ചത് കോൺഗ്രസ് വിമർശനങ്ങൾക്കിടവരുത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.