Posted On
date_range Updated On
date_range ജുവനൈൽ കേന്ദ്രത്തിൽ സംഘർഷം: 8 പേർക്ക് പരിക്ക്; നാലു പേരുടെ നില ഗുരുതരം
ജാർഖണ്ഡിലെ റാഞ്ചി ജുവനൈൽ കേന്ദ്രത്തിലെ അന്തേവാസികൾ തമ്മിലുണ്ടായ ഏറ്റുമുട്ടലിൽ എട്ടുപേർക്ക് പരിക്ക്. പരിക്കേറ്റവരെ ആശുപത്രിയിൽ പ്രവേശിപ്പിച്ചു. നാലു പേരുടെ നില ഗുരുതരമാണെന്ന് റാഞ്ചി സീനിയർ പൊലീസ് സൂപ്രണ്ട് സുരേന്ദ്ര ഝാ പറഞ്ഞു. ഞായറാഴ്ച്ച പുലർച്ചെയായിരുന്നു സംഭവം. തടവുകാരിൽ ചിലർ സഹതടവുകാരെ നിരന്തരം ഉപദ്രവിക്കുന്നതാണ് സംഘർഷത്തിലേക്ക് നയിച്ചതെന്നാണ് പ്രാഥമിക നിഗമനം.
ഏറ്റുമുട്ടലിനിടെ ഇരു സംഘങ്ങളും വടികളും ദണ്ഡുകളും ഉപയോഗിച്ചതായി അധികൃതർ പറഞ്ഞു. ജുവനൈൽ കേന്ദ്രത്തിൽ ആയുധങ്ങൾ എങ്ങനെയാണ് ലഭ്യമായതെന്ന് വ്യക്തമല്ല. വിഷയത്തിൽ അന്വേഷണം ആരംഭിച്ചതായി എസ്.എസ്.പി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.