സഹാറന്പുര്: സര്ക്കാര് ഡോക്ടര്മാരുടെ വിരമിക്കല് പ്രായപരിധി 65 വയസ്സാക്കി ഉയര്ത്തുമെന്ന് പ്രധാനമന്ത്രി നരേന്ദ്ര മോദി. ഈ വാരം തന്നെ കേന്ദ്ര മന്ത്രിസഭ ഇതിന് അനുമതി നല്കുമെന്നും അദ്ദേഹം പറഞ്ഞു. സംസ്ഥാന-കേന്ദ്ര സര്ക്കാറുകള്ക്ക് കീഴില് സേവനമനുഷ്ഠിക്കുന്ന എല്ലാ ഡോക്ടര്മാര്ക്കും ഇതു ബാധകമായിരിക്കും. ചില സംസ്ഥാനങ്ങളില് 60ഉം മറ്റു ചിലയിടങ്ങളില് 62 ഉം ആണ് ഡോക്ടര്മാരുടെ പ്രായപരിധിയെന്നും പ്രധാനമന്ത്രി പറഞ്ഞു.സര്ക്കാറിന്െറ രണ്ടാം വര്ഷം പൂര്ത്തിയായ വേളയില് ഒരു റാലിയില് സംസാരിക്കവെയാണ് രാജ്യത്തുടനീളം കൂടുതല് ഡോക്ടര്മാരുടെ സേവനം ആവശ്യമുണ്ടെന്ന പ്രധാനമന്ത്രിയുടെ നിരീക്ഷണം. ഡോക്ടര്മാരുടെ കുറവ് ചൂണ്ടിക്കാട്ടിയ അദ്ദേഹം രണ്ടുവര്ഷം കൊണ്ട് തന്െറ സര്ക്കാറിന് ഈ കുറവ് നികത്തുക എന്നത് അസാധ്യമായിരുന്നെന്നും പറഞ്ഞു. പാവപ്പെട്ടവര്ക്ക് ഡോക്ടര്മാരുടെ സേവനമില്ലാതെ കഴിയാനാവില്ല. മതിയായ മെഡിക്കല് സ്ഥാപനങ്ങള് രാജ്യത്ത് പ്രവര്ത്തിക്കുന്നുണ്ട്. അതിനനുസൃതമായി ഡോക്ടര്മാരുടെ എണ്ണം കൂടേണ്ടതുമുണ്ട്.ഡോക്ടര്മാരുടെ എണ്ണം വര്ധിപ്പിക്കാന് കൂടുതല് മെഡിക്കല് കോളജുകള് സര്ക്കാര് സ്ഥാപിക്കുമെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.