അമരേലി: ഗുജറാത്തിലെ അമരേലി ജില്ലയിലെ ജടക്ല ഗ്രാമത്തില് നൂറടി താഴ്ച്ചയുള്ള കിണറ്റില് വീണ സിംഹത്തെ രക്ഷപ്പെടുത്തി. സിംഹം കാട്ടിലുള്ള പോത്തിന് കൂട്ടങ്ങളെ വേട്ടയാടിപ്പിടിക്കുന്നത് ഗ്രാമത്തിലെ സ്ത്രീകള് കണ്ടിരുന്നു. ഇതിനിടയില് അപകടത്തില് പെട്ടതാവാനാണ് സാധ്യത. സംഭവം അറിഞ്ഞ ഉടനെ തന്നെ ഗ്രാമവാസികള് ഫോറസ്റ്റ് ഓഫീസര്മാരെ വിവരമറിയിക്കുകയായിരുന്നു. ഫോറസ്റ്റ് ജീവനക്കാരും മൃഗ ഡോക്ടറും വന്ന് കൂട് കിണറ്റിലിറക്കി സിംഹത്തെ പൊക്കിയെടുക്കുകയായിരുന്നു. നാല് വര്ഷം പ്രായമായ സിംഹത്തെ ചികില്സ കൊടുത്ത ശേഷം ഗിര് വനത്തിലേക്ക് തുറന്ന് വിടുകയും ചെയ്തു. കടുത്ത ഉഷ്ണ മേഖലയായ അമരേലിയില് ശരാശരി താപനില 43 ഡിഗ്രി സെല്ഷ്യസാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.