ന്യൂഡൽഹി: പ്രധാനമന്ത്രി നരേന്ദ്ര മോദിയെ ട്വിറ്ററിലൂടെ പരിഹസിച്ച് ഡൽഹി മുഖ്യമന്ത്രി അരവിന്ദ് കെജ്രിവാൾ. 'മോദിജീസ് മോഡസ് ഒപ്പറാൻറി' എന്ന പേരിൽ മോദിയുടെ ഇരട്ടത്താപ്പിനെ വിമർശിക്കുന്ന കാർട്ടൂൺ കഴിഞ്ഞ ദിവസമാണ് കെജ്രിവാൾ ട്വീറ്ററിലിട്ടത്.
അമേരിക്കയിൽ പ്രസിഡൻറ് ബറാക് ഒബാമ ഉൾപ്പെടെയുള്ള സദസ്സിനോട് അംബേദ്കറിനെയും ഗാന്ധിജിയെയും പുകഴ്ത്തി വാ തോരാതെ പ്രസംഗിക്കുന്ന മോദി മറുവശത്ത് മുസ്ലിം ദലിത് ന്യൂന പക്ഷങ്ങൾക്കെതിരെ വിദ്വേഷ പ്രസംഗം നടത്തി വർഗീയ കലാപമുണ്ടാക്കുന്നവർക്ക് പിന്തുണ നൽകുന്നത് സൂചിപ്പിക്കുന്നതാണ് കാരിക്കേച്ചർ.
സാമൂഹ്യ മാധ്യമങ്ങളിൽ വൈറലായ ട്വീറ്റ് മണിക്കൂറുകൾക്കകം നൂറോളം പേർ ഷെയർ ചെയ്യുകയും ട്വീറ്റിനെ അനുകൂലിച്ചും പ്രതികൂലിച്ചും നിരവധി പേർ രംഗത്തെത്തുകയും ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.