ന്യൂഡൽഹി: പാകിസ്താനിലെ ബലൂചിസ്ഥാനില്‍ തിങ്കളാഴ്ച നടന്ന പ്രതിഷേധ പ്രകടനത്തിൽ ഇന്ത്യന്‍ പതാകയും പ്രധാനമന്ത്രി നരേന്ദ്ര മോദിയുടെ ചിത്രവും. ബലൂചിസ്ഥാന്റെ സ്വാതന്ത്ര്യം ആവശ്യപ്പെട്ട് നിലകൊള്ളുന്ന വിഭാഗം നടത്തിയ പ്രതിഷേധത്തിനിടെയായിരുന്നു സംഭവം.
ബലൂചിസ്ഥാനിലെ സ്വാതന്ത്ര്യ സമര നേതാവായിരുന്ന അക്ബര്‍ ബുക്തിയുടെയും ചിത്രങ്ങള്‍ പ്രതിഷേധക്കാർ കൈയിലേന്തിയിരുന്നു. സമരക്കാര്‍ പാകിസ്താന്‍ പതാക നിലത്തിട്ട് ചവിട്ടുന്നതും ഇന്ത്യന്‍ പതാകയുമായി പ്രകടനം നടത്തുന്നതുമായ ചിത്രങ്ങള്‍ പുറത്തുവന്നു. പ്രക്ഷോഭകാരികൾ പാകിസ്താൻ പതാക നിലത്തിട്ട് ചവിട്ടുകയും ചെയ്യുന്ന ചിത്രവും പുറത്ത് വന്നിട്ടുണ്ട്. ബലൂചിസ്ഥാനിലെ സൂയി, ദേര ബുക്തി, ജാഫറാബാദ്, നാസിരാബാദ് തുടങ്ങിയ സ്ഥലങ്ങളില്‍ കഴിഞ്ഞ നാല് ദിവസങ്ങളായി കടുത്ത സമരങ്ങള്‍ നടന്നുവരികയാണ്.
നേരത്തെ സ്വാതന്ത്ര്യദിന പ്രസംഗത്തിൽ മോദി ബലൂചിസ്താനിലെ പ്രക്ഷോഭകാരികളെ പിന്തുണച്ച് രംഗത്തെത്തിയിരുന്നു. ഭാരത സർക്കാറും മാധ്യമങ്ങളും ബലൂചിസ്താനിലെ മനുഷ്യവകാശങ്ങളെ കുറിച്ച് മാത്രമല്ല, അവിടുത്തെ സ്വതന്ത്ര്യ പ്രക്ഷോഭത്തെ പിന്തുണക്കാനും ശ്രമിക്കുമെന്നായിരുന്നു മോദിയുടെ പരാമർശം. മോദിയുടെ ഇൗ പ്രസംഗത്തെ അനുകൂലിച്ച ബലൂച് സ്വാതന്ത്ര്യസമര നേതാക്കള്‍ക്കെതിരെ പാക്കിസ്താന്‍ കേസെടുത്തിരുന്നു.
#WATCH Protests going on for past 4 days in different locations of Balochistan; Indian flag & PM Modi's pics seenhttps://t.co/wvBoYOW8CY
— ANI (@ANI_news) August 24, 2016
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.