ന്യൂഡൽഹി: ഡൽഹിയിൽ യൂബര് ടാക്സിയില് യുവതിയെ പീഡിപ്പിച്ച സംഭവത്തില് ഡ്രൈവര് ശിവകുമാര് യാദവ്(32) ന് കോടതി ജീവപര്യന്തം തടവ് ശിക്ഷ വിധിച്ചു.ഡല്ഹിയിലെ പ്രത്യേക അതിവേഗ കോടതിയാണ് ശിക്ഷ വിധിച്ചത്.
2012 ല് നടന്ന ഡല്ഹി കൂട്ടബലാത്സംഗക്കേസിനെ അനുസ്മരിപ്പിക്കുന്ന കുറ്റകൃത്യമാണ് യാദവ് നടത്തിയതെന്ന് 19 പേജുള്ള വിധിന്യായത്തില് കോടതി നിരീക്ഷിച്ചു. ഇരുമ്പ് കമ്പി ഉപയോഗിച്ച് ആക്രമിക്കുമെന്ന് ഭീഷണിപ്പെടുത്തിയാണ് ഡ്രൈവര് യുവതിയെ ബലാത്സംഗത്തിന് ഇരയാക്കിയതെന്ന് കോടതി ചൂണ്ടിക്കാട്ടി.
കഴിഞ്ഞവർഷം ഡിസംബര് അഞ്ചിനാണു യൂബര് ടാക്സിയിൽ യാത്ര ചെയ്ത യുവതിയെ ഡ്രൈവര് ബലാത്സംഗം ചെയ്തത്. കോടതിയില് കുറ്റം നിഷേധിച്ച പ്രതി യുവതിയുടെ പരാതി വ്യാജമാണെന്ന് ആരോപിച്ചിരുന്നു. ബലാത്സംഗത്തിനിരയായ പെണ്കുട്ടിയെയും സാക്ഷികളെയും വീണ്ടും വിസ്തരിക്കണമെന്ന പ്രതിയുടെ ആവശ്യം ഡൽഹി ഹൈകോടതി അംഗീകരിച്ചെങ്കിലും സുപ്രീംകോടതി തള്ളിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.