ലക്നൗ: ബോളിവുഡ് സൂപ്പര്സ്റ്റാര് ഷാറൂഖ് ഖാന് പാകിസ്താന് ഏജന്റാണെന്ന് വിശ്വ ഹിന്ദു പരിഷത് നേതാവ് സാധ്വി പ്രാചി. ഇന്ത്യയില് അസഹിഷ്ണുത വര്ധിച്ചുവരുന്നതായി ഷാറൂഖ് ഖാന് അഭിപ്രായപ്പെട്ടതിനോട് പ്രതികരിക്കുകയായിരുന്നു പ്രാചി. ഷാറൂഖ് ഖാന് പാകിസ്താനിലേക്ക് പോകണമെന്നും അവര് ആവശ്യപ്പെട്ടു.
പുരസ്കാരം മടക്കിനല്കുന്നതിനെക്കുറിച്ച് ചര്ച്ച ചെയ്യുന്നവരെ രാജ്യദ്രോഹക്കുറ്റം ചുമത്തി വിചാരണ നടത്തി ശിക്ഷിക്കണമെന്നും പ്രാചി ആവശ്യപ്പെട്ടു. ഷാറൂഖ് ഖാന്, ആമിര് ഖാന്, സല്മാന് ഖാന് എന്നിവരുടെ ചിത്രങ്ങള് ബഹിഷ്കരിക്കണമെന്ന് സാധ്വി പ്രാചി നേരത്തെ ആവശ്യപ്പെട്ടിരുന്നു. ഇവരുടെ സിനിമകളുടെ പോസ്റ്ററുകള് കീറിക്കളയണമെന്നും കത്തിച്ചു കളയണമെന്നുമായിരുന്നു പ്രവര്ത്തകരോട് പ്രാചി ആവശ്യപ്പെട്ടത്.
രാജ്യത്ത് അസഹിഷ്ണുത വര്ധിച്ചുവരികയാണെന്നായിരുന്നു ബോളിവുഡ് സൂപ്പര്സ്റ്റാര് ഇന്നലെ വ്യക്തമാക്കിയിരുന്നത്. എന്നാല്, തനിക്ക് ലഭിച്ച പത്മശ്രീ പുരസ്കാരമോ മറ്റ് അംഗീകാരങ്ങളോ തിരിച്ചുനല്കില്ളെ ന്നും അദ്ദേഹം പറഞ്ഞിരുന്നു. രാജ്യത്തെ അസഹിഷ്ണുതയില് പ്രതിഷേധിച്ച് നിരവധി കലാകാരന്മാരും സാഹിത്യകാരന്മാരും പുരസ്കാരങ്ങള് തിരിച്ചുനല്കിയ പശ്ചാത്തലത്തിലായിരുന്നു ഷാറൂഖിന്െറ പ്രതികരണം.
പുരസ്കാരങ്ങള് തിരിച്ചുനല്കിയവരോട് ബഹുമാനമുണ്ടെന്നും ഇന്ത്യ ടുഡെക്ക് നല്കിയ അഭിമുഖത്തില് അദ്ദേഹം പറഞ്ഞു. എന്നാല്, താന് പുരസ്കാരങ്ങള് തിരിച്ചുനല്കില്ല. വേണ്ടിവന്നാല് പുരസ്കാരങ്ങള് തിരിച്ചുനല്കാന് മടിയില്ല. എന്നാല്, ഇപ്പോള് അതിന്െറ ആവശ്യമുണ്ടെന്ന് തോന്നുന്നില്ളെ ന്നും അദ്ദേഹം പറഞ്ഞു. 50ാം പിറന്നാള് വേളയിലാണ് അഭിമുഖം പ്രസിദ്ധീകരിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.