ന്യൂഡൽഹി: കാറിൽ ലിഫ്റ്റ് നൽകിയ ആളെ തൂക്ക് ചൂണ്ടി കവർച്ച നടത്തിയ രണ്ടുപേരെ പൊലീസ് അറസ്റ്റ് ചെയ്തു. ഗുരുഗ്രാമിലെ ഇഫ്കോ ചൗകിലാണ് സംഭവം. ലോക്ഡൗൺ മൂലം ജോലി നഷ്ടമായ ബസ് -ടാക്സി ഡ്രൈവർമാരാണ് കവർച്ചക്ക് പിന്നിലെന്ന് പൊലീസ് പറഞ്ഞു.
പരാതിക്കാരൻ ഇഫ്കോ ചീകിൽ ബസ് കാത്ത് നിൽക്കുന്ന വേളയിലാണ് പ്രതികൾ ടാക്സി കാറിലെത്തിയത്. ഡൽഹിയിലെ ദ്വാരക മോഡിലേക്ക് ലിഫ്റ്റ് നൽകാനെന്ന വ്യാജേന കാറിൽ കയറ്റുകയായിരുന്നു.
ദ്വാരകയിലെത്തിയ ഉടനെ പ്രതികൾ ഇയാളുടെ മൊബൈൽ ഫോണും കൈയ്യിലുണ്ടായിരുന്ന പണവും കവർന്നതായി പൊലീസിൽ നൽകിയ പരാതിയിൽ പറയുന്നു. കൈയ്യിലുണ്ടായിരുന്ന രേഖകൾ കൈക്കലാക്കിയ ശേഷം പ്രതികൾ ഇയാളെ ഇറക്കി വിട്ടു.
പ്രതികളെ കസ്റ്റഡിയിലെടുത്ത പൊലീസ് തോക്കും മോഷണ സമയം ഉപയോഗിച്ച കാറും പിടികൂടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.