ന്യൂഡല്‍ഹി: 18 ലക്ഷം പേരുടെ 4.5 ലക്ഷം കോടി രൂപയുടെ നിക്ഷേപത്തെക്കുറിച്ച് ആദായ നികുതി വകുപ്പ് പരിശോധിക്കുന്നു. വിശദീകരണം തേടി അയച്ച എസ്.എം.എസ്, ഇ-മെയില്‍ സന്ദേശങ്ങള്‍ക്ക് മറുപടി നല്‍കാത്തവര്‍ക്ക് നോണ്‍ സ്റ്റാറ്റ്യൂട്ടറി നോട്ടീസ് അയക്കും. ഇതുവരെ ഏഴുലക്ഷം പേരാണ് മറുപടി നല്‍കിയിട്ടുള്ളത്. ഇ-ഫയലിങ് പോര്‍ട്ടലില്‍ ഓപറേഷന്‍ ക്ളീണ്‍ മണി എന്ന വിഭാഗത്തില്‍ വരുമാനത്തിന്‍െറ ഉറവിടം വെളിപ്പെടുത്തണമെന്നാവശ്യപ്പെട്ടാണ് മറ്റുള്ളവര്‍ക്ക് നോട്ടീസ് അയക്കുക. പ്രതികരിച്ച ഏഴുലക്ഷം പേരില്‍ 99 ശതമാനവും വിവരങ്ങള്‍ കൃത്യമായാണ് അറിയിച്ചതെന്ന് അധികൃതര്‍ വ്യക്തമാക്കി. 18 ലക്ഷം പേരില്‍ അഞ്ചുലക്ഷത്തോളം പേര്‍ ഇ-ഫയലിങ് പോര്‍ട്ടലില്‍ രജിസ്റ്റര്‍ ചെയ്യാത്തവരാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.