ഗുവാഹത്തി: അസമിൽ പ്രളയം കൂടുതൽ ശക്തമാകുന്നു. 25 ജില്ലകളിലും പ്രളയം ബാധിച്ചതോടെ ഏകദേശം 15 ലക്ഷം പേർ ദുരിതത്തില ായി. പ്രളയത്തെ തുടർന്ന് ഏഴ് പേർക്ക് ജീവൻ നഷ്ടമായിട്ടുണ്ട്. ബാർപേട്ട ജില്ലയിലാണ് പ്രളയം കൂടുതൽ നാശം വിതച്ചത്.
അടുത്ത 48 മണിക്കൂർ കൂടി മഴ തുടരുമെന്ന കാലാവസ്ഥ പ്രവചനം അസമിനെ ആശങ്കയിലാക്കുന്നുണ്ട്. 68 ദുരിതാശ്വാസ ക്യാമ്പുകൾ സർക്കാർ തുറന്നു. ഏകദേശം 20,000 പേരാണ് നിലവിൽ ദുരിതാശ്വാസ ക്യാമ്പുകളിൽ കഴിയുന്നത്.
അസമിലെ 10 നദികൾ കരകവിഞ്ഞ് ഒഴുകുകയാണ്. കാസിരംഗ നാഷണൽ പാർക്കിലെ 70 ശതമാനവും വെള്ളത്തിനടിയിലായി. ഏകദേശം 27,000 ഹെക്ടർ കൃഷിഭൂമിയും നശിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.