ലഖ്നോ: യു.പിയിലെ ഉന്നാവോയിൽ 11 വയസുകാരി ബലാൽസംഘത്തിനിരയായി കൊല്ലപ്പെട്ടു. സാഫിപൂർ പൊലീസ് സർക്കിളിൽ വെള് ളിയാഴ്ചയാണ് സംഭവം. വീടിന് പുറത്ത് പിതാവിനൊപ്പം ഉറങ്ങുകയായിരുന്ന പെൺകുട്ടിയെ തട്ടികൊണ്ട് പോയി ബലാൽസംഘം ചെയ്ത് കൊലപ്പെടുത്തുകയായിരുന്നു.
പിതാവ് രാവിെല ഉറക്കമുണർന്നപ്പോൾ പെൺകുട്ടിയെ കാണാനില്ലെന്ന് കാണിച്ച് പൊലീസിൽ പരാതി നൽകിയിരുന്നു. പിന്നീട് നടത്തിയ അന്വേഷണത്തിൽ സമീപത്ത് നിന്ന് പെൺകുട്ടിയുടെ മൃതദേഹം കണ്ടെത്തി. കല്ലുകൊണ്ട് തലക്കടിച്ചാണ് പെൺകുട്ടിയെ കൊലപ്പെടുത്തിയതെന്ന് പൊലീസ് അറിയിച്ചു.
സംഭവത്തിൽ പോക്സോ ആക്ടിലെ വകുപ്പുകളനുസരിച്ച് കേസെടുത്തിട്ടുണ്ടെന്ന് ഉന്നാവോ പൊലീസ് സുപ്രണ്ട് എം.പി വർമ്മ പറഞ്ഞു. പ്രതികളെ അറസ്റ്റ് ചെയ്യാൻ അന്വേഷണ സംഘത്തെ രൂപീകരിച്ചതായും അദ്ദേഹം വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.