ന്യൂഡൽഹി: തെരുവുനായയുടെ കടിയേറ്റ് ചികിത്സയിലായിരുന്ന ഒരു വയസുള്ള കുഞ്ഞ് മരിച്ചു. ഡൽഹി നോയിഡയിലെ സെക്ടർ 100ലെ ലോട്ടസ് ബൊളിവാർഡ് അപ്പാർട്ട്‌മെന്റിൽ തിങ്കളാഴ്ച വൈകിട്ട് 4.30 ഓടെയാണ് സംഭവം. നായയുടെ ആക്രമണത്തിൽ ഗുരുതരമായി പരിക്കേറ്റ ഒരു വയസുകാരൻ ആശുപത്രിയിൽ ചികിത്സയിലായിരുന്നു.
നിർമാണത്തൊഴിലാളികളായ കുട്ടിയുടെ മാതാപിതാക്കൾ സൊസൈറ്റിക്കകത്ത് ജോലി ചെയ്യുകയായിരുന്നു. കുട്ടി അവരുടെ അടുത്ത് തന്നെ നിൽക്കെയാണ് തെരുവു നായ ഓടിയെത്തി കടിച്ചത്. ഗുരുതരമായി പരിക്കേറ്റ കുഞ്ഞിനെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും രാത്രി മരിച്ചു.
തെരുവ് നായ്ക്കളെ പിടികൂടാൻ ഏജൻസികളോട് ആവശ്യപ്പെട്ടിട്ടുണ്ടെന്ന് പൊലീസ് പറഞ്ഞു. നായപിടുത്തക്കാർ എത്തിയെങ്കിലും പ്രദേശത്തെ താമസക്കാർ നായ്ക്കളെ പിടികൂടാൻ അനുവദിച്ചില്ലെന്നും റിപ്പോർട്ടുകളുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.