ദുബൈ: യു.എ.ഇയുടെ സദാ ചലനാത്മകമായ ജീവിതരീതിക്ക് ഇണങ്ങും വിധം അണിയിച്ചൊരുക്കിയ എസ്.യു.വി വാഹനമായ ടെയോറ്റ റഷ് വിണിയിൽ. മൂന്നു നിരയായി ഇരിപ്പടങ്ങളും സാധനങ്ങൾ വഹിക്കാനും സൂക്ഷിക്കാനും ആവശ്യത്തിന് സ്ഥലസൗകര്യവുമുള്ള റഷിെൻറ ഇന്ധനക്ഷമതയും മികച്ചതാണ്.
സുസ്ഥിര വാഹനങ്ങളുടെ വിതരണക്കാരായ അൽ ഫുൈതം ടെയോട്ടയാണ് ഇൗ ഏഴു സീറ്റർ എസ്.യു.വി രാജയത്ത് അവതരിപ്പിക്കുന്നത്. വലിയ എസ്.യു.വിയിൽ നിന്ന് ലഭിക്കുന്നതെല്ലാം റോഡിലായാലും വാഹനത്തിനുള്ളിലായാലും ടെയോട്ട റഷ് ഉപയോക്താവിന് സമ്മാനിക്കുന്നു. അതി മനോഹരമായി അണിയിച്ചൊരുക്കിയ ബോഡിയാണ് വാഹനത്തിെൻറ സവിശേഷത.
എസ്.യു.വി വിപണിയുടെ 25 ശതമാനവും നിലകൊള്ളുന്ന യു.എ.ഇയിൽ റഷ് ഏറെ വളർച്ചാ സാധ്യതയുള്ള വാഹനമാണെന്നും പാസഞ്ചർ കാറിെൻറ വിലയിൽ എസ്.യു.വിയുടെ സൗകര്യം ലഭിക്കുന്നത് ഏറെ ശ്രദ്ധേയമാകുമെന്നും അൽ ഫുതൈം ടൊയോട്ട എം.ഡി സഉൗദ് അബ്ബാസി വ്യക്തമാക്കി. 17 ഇഞ്ച് അലോയ് വീലുകളും തെരഞ്ഞെടുക്കാൻ അഞ്ച് കളറുകളുമായാണ് യു.എ.ഇ വിപണിയിൽ റഷ് എത്തുന്നത്. 68,500 ദിർഹമാണ് വില.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.