ദിവസങ്ങൾക്ക് മുമ്പാണ് ഹ്യുണ്ടായിയുടെ ആദ്യ ഇലക്ട്രിക് കാറായ കോന വിപണിയിലെത്തിയത്. 25 ലക്ഷം രൂപയായിരുന് നു കോനയുടെ ഇന്ത്യയിലെ വിപണി വില. എന്നാൽ, ഉയർന്ന വില ഇലക്ട്രിക് കാർ വിപണിയിൽ തിരിച്ചടിയുണ്ടാക്കുമോയെന്നാ ണ് ഹ്യുണ്ടായിയുടെ ഇപ്പോഴത്തെ ഭയം. പ്രത്യേകിച്ച് ഇന്ത്യ പോലുള്ള വിപണികളിൽ ബജറ്റ് കാറുകൾക്കാണ് ആവശ്യക്കാർ കൂടുതൽ. ഇത് തിരിച്ചറിഞ്ഞ് വില കുറഞ്ഞ ഇലക്ട്രിക് മോഡൽ ഇന്ത്യൻ വിപണിയിൽ അവതരിപ്പിക്കാനുള്ള ശ്രമത്തിലാണ് ഹ്യുണ്ടായ് എന്നാണ് റിപ്പോർട്ടുകൾ .
ഏകദേശം 10 ലക്ഷം രൂപക്ക് ഇലക്ട്രിക് കാർ പുറത്തിറക്കുന്നതിനുള്ള നീക്കങ്ങളാണ് ഹ്യൂണ്ടായ് നടത്തുന്നത്. ഇതിനായി 2000 കോടി രൂപ ഹ്യുണ്ടായ് ഇന്ത്യയിൽ നിക്ഷേപിക്കുമെന്നാണ് വാർത്തകൾ. ചെന്നൈയിലെ ഫാക്ടറിയുടെ നവീകരണവും ഇതിൻെറ ഭാഗമായി നടത്തും.
ഇന്ത്യൻ വിപണിക്കായി മാത്രമുള്ള കാർ നിർമിക്കാനുള്ള നീക്കങ്ങൾ നടത്തുകയാണെന്ന് ഹ്യുണ്ടായ് ഇന്ത്യ എം.ഡി എസ്.കിം പറഞ്ഞു. ഇന്ത്യൻ വിപണിക്ക് മാത്രമായിട്ടുള്ള പ്ലാറ്റ്ഫോമിലായിരിക്കും ഹ്യുണ്ടായിയുടെ പുതിയ കാർ ഒരുങ്ങുക. മിനി എസ്.യു.വി അല്ലെങ്കിൽ പ്രീമിയം ഹാച്ച്ബാക്കായിരിക്കും നിർമിക്കുകയെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.