അബൂദബി: രിസാല സ്റ്റഡി സർക്കിൾ (ആര്.എസ്.സി) കലാലയം പത്താമത് അബൂദബി സിറ്റി സെന്ട് രല് സാഹിത്യോത്സവ് അബൂദബി ഫോക്ലോർ തിയറ്ററിൽ നടന്നു. ആർ.എസ്.സി സെൻട്രൽ ചെയർമാൻ സുബൈർ ബാലുശ്ശേരി അധ്യക്ഷത വഹിച്ചു. ഐ.സി.എഫ് സെൻട്രൽ വൈസ് പ്രസിഡൻറ് ഹംസ അഹ്സനി ഉദ്ഘ ാടനം ചെയ്തു. ആർ.എസ്.സി ഗൾഫ് കൗൺസിൽ എക്സിക്യൂട്ടീവ് അംഗം അബ്ദുൽ ബാരി പട്ടുവം, നാസർ മാസ്റ്റർ, ഫഹദ് സഖാഫി തുടങ്ങിയവർ സംസാരിച്ചു. വിവിധ സെക്ടറുകളിൽ നടന്ന മത്സരങ്ങളിൽ ജേതാക്കളായ നാനൂറിലധികം പ്രതിഭകളാണ് 79 ഇനങ്ങളിൽ മത്സരിച്ചത്.
അൽ വഹ്ദ, നാദിസിയ, ഖാലിദിയ സെക്ടറുകൾ യഥാക്രമം ഒന്ന്, രണ്ട്, മൂന്ന് സ്ഥാനങ്ങൾ കരസ്ഥമാക്കി.
ഖാലിദിയ സെക്ടറിലെ ഫഹീം അബ്ദുൽ സലാം കലാപ്രതിഭയായും മുറൂര് സെക്ടറിലെ മുഹമ്മദ് റമീസ്, നാദിസിയ്യ സെക്ടറിലെ ഫാത്തിമ മുഹമ്മദ് എന്നിവർ സർഗപ്രതിഭകളായും തെരഞ്ഞെടുക്കപ്പെട്ടു. ഐ.സി.എഫ് സെൻട്രൽ പ്രസിഡൻറ് ഉസ്മാൻ സഖാഫി തിരുവത്രയുടെ അധ്യക്ഷതയിൽ നടന്ന സമാപന സമ്മേളനം ആർ. എസ്.സി ഗൾഫ് കൗൺസിൽ ചെയർമാൻ അബൂബക്കർ അസ്ഹരി ഉദ്ഘാടനം ചെയ്തു. പ്രവാസി രിസാല എക്സിക്യൂട്ടീവ് എഡിറ്റർ ടി.എ. അലി അക്ബർ സന്ദേശ പ്രഭാഷണം നടത്തി. സഈദ് വെളിമുക്ക് സ്വാഗതവും നൗഫൽ ഉപവനം നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.