എ​ഫ്.​എ.​ടി.​എ​ഫ്​ ‘ഗ്രേ’ ​ലി​സ്റ്റി​ൽ യു.​എ.​ഇ ഇ​നി​യി​ല്ല

ദു​ബൈ: ​ആ​ഗോ​ള​ത​ല​ത്തി​ൽ ത​ന്നെ ഏ​റ്റ​വും സ​ജീ​വ​മാ​യ സ​മ്പ​ദ്​​വ്യ​വ​സ്ഥ​ക​ളി​ലൊ​ന്നാ​യ യു.​എ.​ഇ​യു​ടെ ക​ള്ള​പ്പ​ണം ത​ട​യ​ൽ ന​ട​പ​ടി​ക​ൾ​ക്ക് അം​ഗീ​കാ​രം. സാ​മ്പ​ത്തി​ക കു​റ്റ​കൃ​ത്യ​ങ്ങ​ൾ കൈ​കാ​ര്യം ചെ​യ്യു​ന്ന അ​മേ​രി​ക്ക മു​ത​ൽ ചൈ​ന വ​രെ​യു​ള്ള രാ​ജ്യ​ങ്ങ​ളി​ലെ വി​വി​ധ സം​വി​ധാ​ന​ങ്ങ​ളു​ടെ കൂ​ട്ടാ​യ്മ​യാ​യ ഫി​നാ​ൻ​ഷ്യ​ൽ ആ​ക്ഷ​ൻ ടാ​സ്ക്​ ഫോ​ഴ്​​സി(​എ​ഫ്.​എ.​ടി.​എ​ഫ്)​ന്‍റെ ‘ഗ്രേ’ ​ലി​സ്റ്റി​ൽ നി​ന്ന്​ യു.​എ.​ഇ പു​റ​ത്തു​ക​ട​ന്നു. അ​ന​ധി​കൃ​ത പ​ണ​മൊ​ഴു​ക്കി​ന്​ സാ​ധ്യ​ത​യു​ള്ള രാ​ജ്യ​ങ്ങ​ളെ​യാ​ണ്​ ‘ഗ്രേ’ ​ലി​സ്റ്റി​ൽ ഉ​ൾ​പ്പെ​ടു​ത്താ​റു​ള്ള​ത്.

പ​ട്ടി​ക​യി​ൽ നി​ന്ന്​ പു​റ​ത്തു​ക​ട​ന്ന​തോ​ടെ ലോ​ക​ത​ല​ത്തി​ൽ ത​ന്നെ രാ​ജ്യ​ത്തി​ന്‍റെ മി​ക​വ്​ വ​ർ​ധി​ച്ചി​രി​ക്കു​ക​യാ​ണ്.സാ​മ്പ​ത്തി​ക രം​ഗ​ത്ത്​ അ​പ​ക​ട​സാ​ധ്യ​ത​യു​ള്ള ര​ണ്ട്​ ഡ​സ​ൻ രാ​ജ്യ​ങ്ങ​ളു​ടെ പ​ട്ടി​ക​യി​ൽ​നി​ന്ന്​ യു.​എ.​ഇ​യെ ഒ​ഴി​വാ​ക്കി​യ​ത്​ വെ​ള്ളി​യാ​ഴ്ച​യാ​ണ്​ പ്ര​ഖ്യാ​പി​ച്ച​ത്. ലോ​ക​ത്തെ അ​തി​സ​മ്പ​ന്ന​രും നി​ക്ഷേ​പ​ക​രും ബ​ങ്ക​ർ​മാ​രും അ​ട​ക്ക​മു​ള്ള​വ​രെ ആ​ക​ർ​ഷി​ക്കു​ന്ന യു.​എ.​ഇ​യെ 2022ലാ​ണ്​ എ​ഫ്.​എ.​ടി.​എ​ഫ് സൂ​ക്ഷ്മ വി​ശ​ക​ല​നം ന​ട​ത്തി​യ​ത്.

തു​ട​ർ​ന്ന്​ ക​ള്ള​പ്പ​ണം വെ​ളു​പ്പി​ക്ക​ൽ, തീ​വ്ര​വാ​ദ ധ​ന​സ​ഹാ​യം എ​ന്നി​വ​യി​ലെ അ​പ​ക​ട​സാ​ധ്യ​ത​ക​ൾ ഇ​ല്ലാ​താ​ക്കാ​ൻ രാ​ജ്യം ശ​ക്​​ത​മാ​യ ന​ട​പ​ടി​ക​ൾ സ്വീ​ക​രി​ച്ചു​വ​രു​ക​യാ​യി​രു​ന്നു. ‘ഗ്രേ’ ​ലി​സ്റ്റി​ൽ​നി​ന്ന്​ പു​റ​ത്തു​ക​ട​ന്ന​ത്​ രാ​ജ്യ​ത്തെ സം​ബ​ന്ധി​ച്ച്​ വ​ലി​യ നേ​ട്ട​മാ​യാ​ണ്​ വി​ല​യി​രു​ത്ത​പ്പെ​ടു​ന്ന​ത്.രാ​ജ്യ​ത്ത്​ നി​ക്ഷേ​പ​ക​ർ​ക്ക്​ കൂ​ടു​ത​ൽ ആ​ത്മ​വി​ശ്വാ​സം പ​ക​രാ​നും കൂ​ടു​ത​ൽ ബി​സി​ന​സ്​ ആ​ക​ർ​ഷി​ക്കാ​നും പു​തി​യ തീ​രു​മാ​നം ഉ​പ​ക​രി​ക്കു​മെ​ന്നാ​ണ്​ ഈ ​രം​ഗ​ത്തെ വി​ദ​ഗ്​​ധ​ർ അ​ഭി​പ്രാ​യ​പ്പെ​ടു​ന്ന​ത്.

സാ​മ്പ​ത്തി​ക മേ​ഖ​ല​യി​ലെ അ​ന്വേ​ഷ​ണ​ങ്ങ​ളും നി​യ​മ​ന​ട​പ​ടി​ക​ളും വ​ർ​ധി​പ്പി​ക്കു​ക, ഈ ​രം​ഗ​ത്തെ അ​ന്താ​രാ​ഷ്‌​ട്ര സ​ഹ​ക​ര​ണം വ​ർ​ധി​പ്പി​ക്കു​ക, വെ​ർ​ച്വ​ൽ അ​സ​റ്റ് റെ​ഗു​ലേ​ഷ​ൻ അ​ന്താ​രാ​ഷ്‌​ട്ര നി​ല​വാ​ര​ത്തി​ൽ വി​ന്യ​സി​ക്കു​ക എ​ന്നി​വ​യ​ട​ക്കം വി​വി​ധ ന​ട​പ​ടി​ക​ളാ​ണ്​ ലി​സ്റ്റി​ൽ​നി​ന്ന്​ പു​റ​ത്തു​ക​ട​ക്കാ​നാ​യി യു.​എ.​ഇ സ്വീ​ക​രി​ച്ച​ത്.

എ​ന്നാ​ൽ പ​ട്ടി​ക​യി​ൽ ഉ​ൾ​പ്പെ​ട്ട സ​മ​യ​ത്തും ആ​ഗോ​ള ത​ല​ത്തി​ൽ ഏ​റ്റ​വും മി​ക​ച്ച നി​ക്ഷേ​പ​കേ​ന്ദ്ര​മാ​യി രാ​ജ്യ​ത്തി​ന്​ തു​ട​രാ​ൻ സാ​ധി​ച്ചി​രു​ന്നു. ക്രി​പ്​​റ്റോ ക​റ​ൻ​സി, റി​യ​ൽ എ​സ്​​റ്റേ​റ്റ്​ രം​ഗ​ങ്ങ​ളി​ല​ട​ക്കം ലോ​ക​ത്തെ ഏ​റ്റ​വും മു​ൻ​നി​ര​യി​ൽ സാ​ന്നി​ധ്യ​മ​റി​യി​ക്കാ​ൻ രാ​ജ്യ​ത്തി​ന്​ ക​ഴി​ഞ്ഞി​ട്ടു​ണ്ട്.