ഫുജൈറ: ഫുജൈറ അന്താരാഷ്ട്ര വിമാനത്താവളം ‘യു.എ.ഇയും കുവൈത്തും… എന്നേക്കും സഹോദരങ്ങൾ’എന്ന പ്രമേയത്തിൽ യു.എ.ഇ-കുവൈത്ത് സൗഹൃദ വാരാഘോഷം സംഘടിപ്പിച്ചു. രണ്ട് സഹോദര രാജ്യങ്ങൾ തമ്മിലുള്ള ചരിത്രപരമായ സൗഹൃദവും ദൃഢബന്ധവും അടയാളപ്പെടുത്തുന്നതായിരുന്നു പരിപാടി. ഫുജൈറ ഏവിയേഷൻ അക്കാദമിയുമായി സഹകരിച്ച് വിമാനത്താവള പരിസരങ്ങളിൽ ചിത്രീകരിച്ച വിഡിയോ വാരാഘോഷത്തിന്റെ ഭാഗമായി പുറത്തിറക്കി.
യാത്രക്ക് തയാറെടുക്കുന്ന ഒരു കുവൈത്തി വിദ്യാർഥിനിയുടെ യാത്രയാണ് വിഡിയോയിൽ അവതരിപ്പിച്ചത്.യു.എ.ഇ-കുവൈത്ത് ബന്ധം യഥാർഥ സാഹോദര്യത്തിലും ദീർഘകാല സഹകരണത്തിലും അധിഷ്ഠിതമാണെന്ന് ഫുജൈറ അന്താരാഷ്ട്ര വിമാനത്താവള ജനറൽ മാനേജർ ക്യാപ്റ്റൻ ഇസ്മായിൽ അൽ ബലൂഷി പറഞ്ഞു. ഗൾഫ് ഐക്യവും സംയുക്ത ഭാവിയും ശക്തിപ്പെടുത്തുന്ന ഇത്തരം സംരംഭങ്ങൾക്ക് പിന്തുണ തുടരുമെന്നും വിമാനത്താവളം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.