ഇറാഖിൽ നടക്കുന്ന 34ാമത് അറബ് ഉച്ചകോടിയിൽ വിവിധ രാഷ്ട്ര നേതാക്കൾക്കൊപ്പം ശൈഖ് മൻസൂർ ബിൻ സായിദ് ആൽ നഹ്യാൻ
അബൂദബി: ഇറാഖിൽ നടക്കുന്ന 34ാമത് അറബ് ഉച്ചകോടിയിൽ പങ്കെടുക്കാൻ യു.എ.ഇ വൈസ് പ്രസിഡന്റും ഉപപ്രധാനമന്ത്രിയും പ്രസിഡൻഷ്യൽ കോർട് ചെയർമാനുമായ ശൈഖ് മൻസൂർ ബിൻ സായിദ് ആൽ നഹ്യാന്റെ നേതൃത്വത്തിൽ പ്രതിനിധി സംഘം ബഗ്ദാദിലെത്തി.
യു.എ.ഇ പ്രസിഡന്റ് ശൈഖ് മുഹമ്മദ് ബിൻ സായിദ് ആൽ നഹ്യാനെ പ്രതിനിധാനംചെയ്ത് ശൈഖ് മൻസൂർ ബിൻ സായിദ് ആൽ നഹ്യാൻ സംഘത്തിന് നേതൃത്വം നൽകുന്നത്.
യു.എ.ഇ പ്രതിനിധി സംഘത്തിൽ ഉപപ്രധാനമന്ത്രിയും വിദേശകാര്യ മന്ത്രിയുമായ ശൈഖ് അബ്ദുല്ല ബിൻ സായിദ് ആൽ നഹ്യാൻ, സുപ്രീം കൗൺസിൽ ഫോർ നാഷനൽ സെക്യൂരിറ്റി സെക്രട്ടറി ജനറൽ അലി മുഹമ്മദ് ഹമദ് അൽ ശംസി, ഊർജ, അടിസ്ഥാന സൗകര്യ മന്ത്രി സുഹൈൽ ബിൻ മുഹമ്മദ് അൽ മസ്റൂയി, സഹമന്ത്രി ഖലീഫ ഷഹീൻ അൽ മറാർ, രാഷ്ട്രീയകാര്യ സഹമന്ത്രി ലന സാക്കി നുസൈബെ, ഈജിപ്തിലെ യു.എ.ഇ അംബാസഡറും അറബ് ലീഗിലെ സ്ഥിരം പ്രതിനിധിയുമായ മറിയം അൽ കഅബി എന്നിവരും ഉൾപ്പെടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.