ആലപ്പുഴോത്സവം സീസൺ 4 സിനിമാ നടി ശ്വേതാ മേനോൻ
ഉദ്ഘാടനം ചെയ്യുന്നു
ഷാർജ: ആലപ്പുഴ ജില്ല പ്രവാസി സമാജം (എ.ജെ.പി.എസ്) ആലപ്പുഴ ഉത്സവം സീസൺ 4 ഷാർജ സഫാരി മാളിൽ സെപ്റ്റംബർ 15ന് സംഘടിപ്പിച്ചു. രാവിലെ 11ന് ആരംഭിച്ച ആഘോഷ പരിപാടിയിൽ അംഗങ്ങളുടെ കലാപരിപാടികൾ, അത്തപ്പൂക്കള മത്സരം, പുലികളി തുടങ്ങി വിവിധ വൈവിധ്യമാർന്ന പ്രകടനങ്ങൾ അരങ്ങേറി.
വൈകീട്ട് അഞ്ചുമണിക്ക് ആരംഭിച്ച സാംസ്കാരിക ഘോഷയാത്ര ചെണ്ടമേളത്തിന്റെയും താലപ്പൊലിയുടെയും മുത്തുക്കുടകളുടെയും അകമ്പടിയോടുകൂടി സാംസ്കാരിക ഘോഷയാത്ര സംഘടിപ്പിച്ചു. എ.ജെ.പി.എസ് പ്രസിഡന്റ് റഹീസ് കാർത്തികപ്പള്ളിയുടെ അധ്യക്ഷതയിൽ നടന്ന സാംസ്കാരിക സമ്മേളനത്തിൽ സെക്രട്ടറി അൻഷാദ് ബഷീർ സ്വാഗതവും സിനിമാ നടി ശ്വേതാ മേനോൻ ഉദ്ഘാടനവും നിർവഹിച്ചു.
എൻ.ടി.വി ചെയർമാൻ മാത്യുക്കുട്ടി കഡോൺ മുഖ്യപ്രഭാഷണവും ആലപ്പുഴ ജില്ല പ്രവാസി സമാജത്തിന്റെ നേതൃത്വത്തിൽ ആരംഭിക്കുന്ന ആലപ്പി കെയറിന്റെ ലോഗോ പ്രകാശനവും നിർവഹിച്ചു. പ്രോഗ്രാം കമ്മിറ്റി കൺവീനർ രഞ്ജുരാജ്, ചീഫ്കോഓഡിനേറ്റർ സാബു അലിയാർ, മീഡിയവിങ് ചെയർമാൻ ഇർഷാദ് സൈനുദ്ദീൻ, ഫിനാൻസ് കമ്മിറ്റി ചെയർമാൻ പത്മരാജ്, ബിജി രാജേഷ് തുടങ്ങിയവർ ആശംസ നേർന്നു. ട്രഷറർ ശിവശങ്കർ നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.