സാമൂഹിക പ്രവർത്തകൻ അബ്ദുസമദ് പൂന്താനത്തിന് കാതോലിക്ക ബാവ മെമന്റോ നൽകുന്നു
അൽഐൻ: അൽഐൻ സെന്റ് ഡയനീഷ്യസ് ഓർത്തഡോക്സ് ദേവാലയത്തിലെ പെരുന്നാൾ ആഘോഷത്തിന്റെ ഭാഗമായി അൽഐനിലെ സാമൂഹികപ്രവർത്തകൻ അബ്ദുസമദ് പൂന്താനത്തെ ആദരിച്ചു. ജൂബിലി സമ്മേളനത്തിൽ പരിശുദ്ധ കാതോലിക്ക ബാവ മെമന്റോ നൽകി.ഡോ. യൂഹാനോൻ മാർ ദിമെത്രിയോസ് മെത്രാപ്പോലീത്തായുടെ അധ്യക്ഷതയിൽ കൂടിയ ‘എമറാൾഡ് ജൂബിലി ഉദ്ഘാടന സമ്മേളനം’ മോറാൻ മാർ ബസേലിയോസ് മാർത്തോമ മാത്യൂസ് തൃതീയൻ കാതോലിക്ക ബാവ ഉദ്ഘാടനം ചെയ്തു. ദൈവകരുണയുടെ ഫലമാണ് ഈ ആരാധനാലയം എന്ന് വിശ്വാസികളെ അദ്ദേഹം ഓർമിപ്പിച്ചു. അഡ്വ. തോമസ് പോൾ റമ്പാൻ മുഖ്യസന്ദേശം നൽകി.
ഉദ്ഘാടന സമ്മേളനത്തിൽ ഫാ. ജോൺസൺ ഐപ്പ്, ഡോ. ജോർജ് മാത്യു, ഫിലിപ്പ് എം. സാമുവേൽ കോറെപ്പിസ്ക്കോപ്പ, ഫാ. ഉമ്മൻ മാത്യൂ, ഫാ. എൽദോ എം. പോൾ, ഫാ. ജിജോ പുതുപ്പള്ളി, വർഗീസ് കെ. ചെറിയാൻ, ബെൻസൻ ബേബി, ഡെന്നി എം. ബേബി എന്നിവർ സംസാരിച്ചു. ജേക്കബ് ഏബ്രഹാം, സിബി ജേക്കബ്, റോണി ജോയി, സിജി റെഞ്ജു തുടങ്ങിയവർ സന്നിഹിതരായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.