ദുബൈ: കിടപ്പു രോഗികൾക്ക് ആശ്വാസ സഹായങ്ങൾക്ക് മുൻതൂക്കം നൽകി പരിശുദ്ധ റമദാനിൽ റിലീഫ് പ്രവർത്തനങ്ങൾ സംഘടിപ്പിക്കാൻ ദുബൈ കെ.എം.സി.സി തൃശൂർ ജില്ല കമ്മിറ്റി തീരുമാനിച്ചു. ജില്ല, മണ്ഡലം ഭാരവാഹികളെ പങ്കെടുപ്പിച്ചു ലീഡേഴ്സ് ക്യാമ്പും പ്രസംഗ പരിശീലന ക്ലാസും സംഘടിപ്പിക്കും. പാലിയേറ്റിവ് യൂനിറ്റുകൾക്കുവേണ്ടി ശേഖരിച്ച മെഡിക്കൽ ഉപകരണങ്ങൾ ഈ മാസം നാട്ടിൽ നടക്കുന്ന പരിപാടിയിൽ കൈമാറും. ആക്ടിങ് പ്രസിഡന്റ് അഷ്റഫ് കൊടുങ്ങല്ലൂർ അധ്യക്ഷത വഹിച്ച യോഗത്തിൽ ദുബൈ കെ.എം.സി.സി സെക്രട്ടറി സമദ് ചാമക്കാല ഉദ്ഘാടനം ചെയ്തു. ഗഫൂർ പട്ടിക്കര, കബീർ ഒരുമനയൂർ, ഉമ്മർ മുള്ളൂർക്കര, ജംഷീർ പാടൂർ, നൗഫൽ പുത്തൻപ്പുരക്കൽ എന്നിവർ ചർച്ചയിൽ പങ്കെടുത്തു. ആക്ടിങ് സെക്രട്ടറി ഹനീഫ് തളിക്കുളം സ്വാഗതം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.