ഷാർജ വ്യവസായ മേഖലയിലുണ്ടായ തീപിടിത്തം
ഷാർജ: വ്യവസായ മേഖല ആറിലെ ഓട്ടോ സ്‌പെയർ പാർട്‌സ് വെയർഹൗസിൽ ശനിയാഴ്ച വൈകീട്ട് 4.20ന് വൻ തീപിടിത്തമുണ്ടായതായി സിവിൽ ഡിഫൻസ് പറഞ്ഞു. അപകടകാരണം സ്ഥിരീകരിച്ചിട്ടില്ല. ആളപായമില്ലെന്ന് അധികൃതർ പറഞ്ഞു. വൻ നാശനഷ്ടം കണക്കാക്കുന്നു.
നിരവധി കമ്പനികൾ പ്രവർത്തിക്കുന്ന പ്രദേശത്ത് തീപിടിച്ച വിവരം അറിഞ്ഞയുടൻ സിവിൽ ഡിഫൻസ് രക്ഷക്കെത്തുകയായിരുന്നു. ഏറെ പണിപ്പെട്ടാണ് തീയണച്ചത്. അപകട സമയത്ത് ജോലിക്കാർ ഉണ്ടായിരുന്നെങ്കിലും തീ കണ്ടയുടൻ സുരക്ഷിത ഇടങ്ങളിലേക്ക് മാറുകയായിരുന്നു. അപകടസ്ഥലത്ത് ഫോറൻസിക് വിഭാഗം പരിശോധന നടത്തി. പ്രദേശമാകെ പുകപടലവും രൂക്ഷഗന്ധവും നിറഞ്ഞിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.