ദുബൈ: ഖലീഫസാറ്റ് രൂപകൽപനയിലും നിർമാണത്തിലും പങ്ക് വഹിച്ച എൻജിനീയർമാരുടെ സംഘത്തിന് യു.എ.ഇ വൈസ് പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂം, അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാൻഡറുമായ ജനറൽ ശൈഖ് മുഹമ്മദ് ബിൻ സായിദ് ആൽ നഹ്യാൻ തുടങ്ങിയവർ സബീൽ കൊട്ടാരത്തിൽ ശനിയാഴ്ച സ്വീകരണം നൽകി. ഖലീഫസാറ്റിെൻറ വിക്ഷേപണം അഭിമാനത്തിെൻറ ഉറവിടമാണെന്ന് ഇരു നേതാക്കളും അഭിപ്രായപ്പെട്ടു. സമ്പൂർണമായി ഇമറാത്തി എൻജിനീയർമാർ രൂപകൽപനയും നിർമാണവും നിർവഹിച്ച പ്രഥമ കൃത്രിമോപഗ്രഹമാണ് ഖലീഫസാറ്റ്. ജപ്പാനിലെ തനിഗാഷിമ ദ്വീപിലെ വിക്ഷേപണ കേന്ദ്രത്തിൽനിന്നാണ് ഇത് വിക്ഷേപിച്ചത്. ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് സൈഫ് ബിൻ സായിദ് ആൽ നഹ്യാൻ, ഉപപ്രധാനമന്ത്രിയും പ്രസിഡൻഷ്യൽകാര്യ മന്ത്രിയുമായ ശൈഖ് മൻസൂർ ബിൻ സായിദ് ആൽ നഹ്യാൻ, ദുബൈ കിരീടാവകാശിയും ദുബൈ എക്സിക്യൂട്ടീവ് കൗൺസിൽ ചെയർമാനുമായ ശൈഖ് ഹംദാൻ ബിൻ മുഹമ്മദ് ബിൻ റാശിദ് ആൽ മക്തൂം തുടങ്ങിയവരും സ്വീകരണത്തിൽ പെങ്കടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.