സിറ്റിയുടെ തട്ടകത്തിൽ പയറ്റിത്തെളിയാൻ ഗോകുലും ആര്യനും

ദുബൈ: പെപ്​ ഗാർഡിയോളയുടെ പരിശീലനമുറകൾ ഏറ്റുപാടുന്ന മാഞ്ചസ്​റ്റർ സിറ്റിയുടെ തട്ടകത്തിൽ കളിപഠിക്കാൻ രണ്ട്​ മലയാളി കുട്ടികൾ. ഏഴാം ക്ലാസുകാരൻ ​േ​ഗാകുൽ ബാലുവും എട്ടാം ക്ലാസ്​ വിദ്യാർഥി ആര്യൻ ഹരിദാസുമാണ്​ സിറ്റി അക്കാദമിയി​ലേക്ക്​ സെലക്ഷൻ നേടിയത്​. സെലക്ഷൻ ട്രയൽസിൽ നൂറുകണക്കിന്​ കുട്ടികളെ മറികടന്നാണ്​ ഇരുവരും അവസാന 16ൽ ഇടം പിടിച്ചത്​. ഞായറാഴ്​ച ദുബൈയിലെ അക്കാദമിയിൽ സിറ്റിയുടെ നീലജഴ്​സിയിൽ പരിശീലനം തുടങ്ങിയ ആര്യനും ഗോകുലും മികച്ച പ്രകടനം പുറത്തെടുത്ത്​ പെപ്​ ഗാർഡിയോളയുടെ സ്വന്തം ശിഷ്യന്മാരാവാമെന്ന ആത്മവിശ്വാസത്തിലാണ്​.

ഇംഗ്ലീഷ്​ പ്രീമിയർ ലീഗിൽ യു.എ.ഇയുടെ സ്വന്തം ടീമായ മാഞ്ചസ്​റ്റർ സിറ്റി കഴിഞ്ഞ ദിവസം ആരംഭിച്ച ടാലൻറഡ്​ ​െപ്ലയർ പ്രോഗ്രാമാണ്​ (ടി.പി.പി) ഇരുവർക്കും വഴിതെളിച്ചത്​. മൂന്നു​ ദിവസത്തെ കാമ്പിനും സെലക്ഷൻ ട്രയൽസിനും ശേഷമായിരുന്നു തെ​രഞ്ഞെടുപ്പ്​. ദുബൈക്ക്​ പുറമെ ജപ്പാനിലും യു.കെയിലുമുള്ള സിറ്റി അക്കാദമിയിൽ ഇവർക്ക്​ സൗജന്യമായി പരിശീലനം നൽകും. മികച്ച പ്രകടനം നടത്തുന്നവരെ മാഞ്ചസ്​റ്ററിലുള്ള സിറ്റിയുടെ ഇത്തിഹാദ്​ സ്​റ്റേഡിയത്തിലേക്ക്​ പരിശീലനത്തിന്​ തെരഞ്ഞെടുക്കും.മുൻ കേരള അണ്ടർ 16 പരിശീലകൻ അരുൺ പ്രതാപി​െൻറ ശിഷ്യന്മാരാണ്​ ഇരുവരും. അബൂദബി കപ്പ്​ ചാമ്പ്യന്മാരായപ്പോൾ ഇരുവർക്കും മാഞ്ചസ്​റ്ററിലെ ഇത്തിഹാദ്​ സ്​റ്റേഡിയം സന്ദ​ർശിക്കാൻ അവസരം ലഭിച്ചിരുന്നു.

സ്​റ്റാർ സ്​ട്രൈക്കർ ഗോകുൽ

തൃശൂർ ഇരിഞ്ഞാലക്കുട ചേരംപറമ്പിൽ ബാലഗോപാൽ-ഷൈനി ദമ്പതികളുടെ മകനായ ഗോകുൽ രണ്ടാം ക്ലാസിൽ പഠിക്കു​േമ്പാൾ പന്തുതട്ടി തുടങ്ങിയതാണ്​. സിറ്റി ക്യാമ്പിൽ അണ്ടർ 13ലാണ്​ ഗോകുലിനെ തെരഞ്ഞെടുത്തിരിക്കുന്നത്​. ആദ്യം ആ​ഫ്രിക്കൻ കോച്ച്​ ഇസ്സയുടെ കീഴിലായിരുന്നു പരിശീലനം. പിന്നീട്​ അറേബ്യൻ സ്​ട്രൈക്കേഴ്​സിൽ അരുൺ പ്രതാപി​െൻറ ശിഷ്യനായി. കഴിഞ്ഞ വർഷം യു.എ.ഇയിലെ നമ്പർ വൺ ഫുട്​ബാൾ ക്ലബായ ഷബാബ്​ അൽ അഹ്​ലിയുടെ താരമായി. വർക്ക അവർ ഓൺ സ്​കൂളിലെ വിദ്യാർഥിയായ ഗോകുലി​െൻറ ഏറ്റവും വലിയ സ്വപ്​നം ഇന്ത്യക്ക്​ വേണ്ടി കളിക്കുക എന്നതാണ്​. മുൻനിരയിലാണ്​ കളി. ഷാർജ അൽനാദയിൽ മാതാപിതാക്കൾക്കും സഹോദരൻ ഗൗതമി​നുമൊപ്പമാണ്​ താമസം.

മധ്യനിരയിൽ ആര്യൻ

പാലക്കാട്​ മുടപ്പല്ലൂർ പള്ളിത്തൊടി ഹരിദാസി​െൻറയും ദീപ്​നയുടെയും മകൻ ആര്യൻ അണ്ടർ 14 ഇനത്തിലാണ്​ സെലക്ഷൻ നേടിയത്​. അൽനാസർ ക്ലബി​െൻറ താരമായിരുന്ന ആര്യൻ, ഷബാബ്​ അൽ അഹ്​ലിയുമായി കരാർ ഒപ്പിടാനിരിക്കവെയാണ്​ സിറ്റിയുടെ വിളിയെത്തിയത്​. മൂന്നര വയസ്സ്​ മുതൽ കളി തുടങ്ങിയതാണ്​. മധ്യനിരയിൽ ഇടതുവിങ്ങിലാണ്​ സ്​ഥാനം. ഇംഗ്ലീഷ്​ പ്രീമിയർ ലീഗിനോടാണ്​ ഏറെയിഷ്​ടമെങ്കിലും മനസ്സിൽ കൊണ്ടുനടക്കുന്നത്​ രണ്ട്​ ലാ ലീഗ താരങ്ങളെയാണ്​, ലൂയിസ്​ സുവാരസിനെയും റൊണാൾഡീഞ്ഞോയെയും.ഊദ്​ മേത്ത ഇന്ത്യൻ ഹൈസ്​കൂളിലെ വിദ്യാർഥിയായ ആര്യനും കുടുംബവും ഉൗദ്​മേത്തയിലാണ്​ താമസം. സഹോദരൻ ശ്രീഹർഷൻ.