സ്രോതസ്സ് കുടുംബസംഗമത്തിന് ഒരുമിച്ചുകൂടിയവർ
ഷാർജ: ജീവകാരുണ്യ സംഘടനയായ സ്രോതസ്സ് ഷാർജ കുടുംബ സംഗമം സംഘടിപ്പിച്ചു. നിറപ്പകിട്ടാർന്ന പരിപാടികളോടെ അജ്മാൻ ഒയാസിസ് ഫാം ഹൗസിൽ നടന്ന സംഗമം പ്രസിഡന്റ് ഡേവിഡ് വർഗീസ് ഉദ്ഘാടനം ചെയ്തു. ജനറൽ സെക്രട്ടറി സുനിൽ മാത്യു, ട്രഷറർ മനോജ് മാത്യു, വർഗീസ് ജോർജ്, റെജി സാമുവൽ, ബിജോ കളിയ്ക്കൽ, സാമുവൽ ജോസ് എന്നിവർ സംസാരിച്ചു.
കുട്ടികളുടെ വിവിധ കലാപരിപാടികൾ, വിനോദ മത്സരങ്ങൾ, പരിചയപ്പെടുത്തൽ ഉൾപ്പെടെ പരിപാടികൾ സംഗമത്തോടനുബന്ധിച്ച് നടത്തി. അനു റെജി, റിയാ തോമസ് എന്നിവർ കലാകായിക മത്സരങ്ങൾക്ക് നേതൃത്വം നൽകി. മത്സരങ്ങളിൽ വിജയികളായവർക്ക് സമ്മാനങ്ങൾ നൽകി. സിൽവർ ജൂബിലി ആഘോഷത്തെപ്പറ്റിയും ഈ വർഷത്തെ ജീവകാരുണ്യ പ്രവർത്തനങ്ങളെ സംബന്ധിച്ചും ജനറൽ സെക്രട്ടറി സുനിൽ മാത്യു ലഘുവിവരണം നടത്തി. യു.എ.ഇയിലെ വിവിധ എമിറേറ്റുകളിൽനിന്ന് മുന്നൂറോളം അംഗങ്ങൾ കുടുംബസംഗമത്തിൽ പങ്കാളികളായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.