അമിതമായാൽ തണുപ്പും 'വിഷം'

ചില്ലർ (0-5 ഡിഗ്രി സെൽഷ്യസ്​)

ഫ്രഷ്​ ആയതും മൂന്ന്​ ദിവസം വരെ കേടാവാതെ ഇരിക്കുന്നതുമായ ഉൽപന്നങ്ങൾ ചില്ലറിൽ സൂക്ഷിക്കണം. പാൽ, പാചകം ചെയ്​ത ഭക്ഷണം, ​പച്ചക്കറികൾ, ചിക്കൻ, ഇറച്ചി, മീൻ, മുട്ട തുടങ്ങിയ ഉദാഹരണം. മിക്ക കീടാണുക്കൾക്കും 0- 5 ഡിഗ്രി സെൽഷ്യസിൽ സാധാരണ ഗതിയിൽ വളരാൻ കഴിയില്ല. മതിമായ വളർച്ചക്കേ സാധ്യതയുള്ളൂ. എന്നാൽ, ചില ബാക്​ടീരിയകൾക്ക്​ ചില്ലറി​െൻറ താപനിലയിലും നന്നായി വളരും. അതിനാൽ, ചില്ലറിൽ വെക്കുന്ന ഭക്ഷണം വൃത്തിയായി കവർ ചെയ്​ത്​ സൂക്ഷിക്കണം. മൂന്നിൽ കൂടുതൽ ദിവസം സ്​റ്റോർ ചെയ്യരുത്​.

ഫ്രീസർ (-18 ഡിഗ്രി സെൻറിഗ്രേഡ്​)

ഫ്രോസൺ ആയി സൂക്ഷിക്കേണ്ട ലോങ്​ ഷെൽഫ്​ ഉള്ള ഉൽപന്നങ്ങൾ ഫ്രീസറിൽ സൂക്ഷിക്കാം. ഭക്ഷണ പദാർഥങ്ങളിലെ വെള്ളം ഐസാവുന്നത്​ മൂലം ആവശ്യമായ വെള്ളം ലഭിക്കാതെ കീടാണുക്കളുടെ വളർച്ച നിലക്കും. ഫ്രീസറിനുള്ളിലെ കീടാണു നിഷ്​ക്രിയമായ അവസ്​ഥയിലേക്ക്​ മാറുകയും ചെയ്യും.

-18 ഡിഗ്രി സെൻറീഗ്രേഡാണ്​​ ഫ്രീസറിന്​ ആവശ്യമായ പരമാവധി താപനില. എന്നാൽ, താപനില ക്രമീകരണത്തിലെ അപാകത മൂലം ഫ്രീസറിനുള്ളിൽ ഐസ്​ കട്ട കുമിഞ്ഞുകൂടാറുണ്ട്​. ഇത്​ നിയമലംഘനമാണ്​. ഇത്​ മൂലം ഫ്രീസറിനുള്ളിലെ ഉൽപന്നത്തിന്​ ആവശ്യമായ സംരക്ഷണം ലഭിക്കാതെ വരുന്നു. ഉൽപ്പന്നം പൂർണമായും ഉറച്ചിട്ടുണ്ടെന്ന്​ ഉറപ്പ്​ വരുത്തണം. ഒരുതവണ ഫ്രീസറിൽ നിന്ന്​ പുറത്തെടുത്ത്​ അലിയുന്ന ഉൽപന്നം വീണ്ടും ഫ്രീസറിൽ വെക്കരുത്​. അലിഞ്ഞുപോയ നഗ്ഗട്​സും പാറ്റീസും ഉപേക്ഷിക്കുക.

ഹോട്ട്​ ഹോൾഡിങ്​: (60 ഡിഗ്രി സെൽഷ്യസിൽ കൂടുതൽ)

പാകം ചെയ്​തതിന്​ ശേഷം ഉപഭോക്​താക്കൾക്ക് വിളമ്പുന്ന​ ഭക്ഷണത്തിന്​ നിശ്​ചയിച്ചിരിക്കുന്ന താപനിലയെയാണ്​ ഹോട്ട്​ ഹോൾഡിങ്​ എന്ന്​ പറയുന്നത്​. പാകം ചെയ്​തതോ വീണ്ടും ചൂടാക്കിയതോ ആയ ഭക്ഷണം വിളമ്പുന്നതിനോ പുറത്തുവെച്ച്​ പ്രദർശിപ്പിക്കുന്ന​തിനോ 60 ഡിഗ്രി സെൽഷ്യസിൽ കൂടുതൽ​ ഹോട്ട്​ ഹോൾഡിങ്​ താപനില നിർബന്ധമാണ്​. ഒരു ഭക്ഷണ പദാർഥം ഒന്നിൽ കൂടുതൽ തവണ ചൂടാക്കരുത്​. വീണ്ടും ചൂടാക്കുന്നതും ഹോട്ട്​ ഹോൾഡിങും രണ്ടാണ്​. പലർക്കും ഇത്​ ഒന്നാണെന്ന തെറ്റിദ്ധാരണയുണ്ട്​. അത്​ മൂലം നിയമലംഘനവുമുണ്ടാകുന്നുണ്ട്​. ഹോട്ട്​ ഹോൾഡിങ്​ മെഷീൻ ഉപയോഗിച്ചാണ്​ ചൂട്​ ക്രമീകരിക്കേണ്ടത്​.

ഉൽപന്നത്തി​െൻറ എല്ലാഭാഗത്തും താപനില കൃത്യമാണെന്ന്​ ഉറപ്പാക്കണം. അല്ലാത്തപക്ഷം ചില ഭാഗങ്ങൾ മാത്രം കേടാകാൻ സാധ്യതയുണ്ട്​.

അടുക്കളയുടെയും സ്​റ്റോറി​െൻറയും ചൂട്

അടുക്കളയുടെ താപനില പരിധിയിൽ കൂടരുത്​. തണുത്ത ഭക്ഷണം 20 ഡിഗ്രി സെൽഷ്യസിൽ താഴെ ചൂടിലായിരിക്കണം തയാറാക്കേണ്ടത്​. പഞ്ചസാര, ഉപ്പ്​, മൈദ പോലുള്ളവ ഡ്രൈ ആയി സൂക്ഷിക്കുന്ന സ്​റ്റോറേജ്​ റൂമുകളുടെ താപനില 25 ഡിഗ്രിയിൽ കൂടരുത്​. ഹ്യുമിഡിറ്റി 60- 65 ഡിഗ്രിയായിരിക്കണം. വായുസഞ്ചാരവും എ.സിയും ഉള്ള റൂമിലായിരിക്കണം ഇവ സ്​റ്റോർ ചെയ്യേണ്ടത്​.

അപകടനില (അഞ്ച്​ ഡിഗ്രിക്കും 60 ഡിഗ്രിക്കും ഇടയിൽ)

അഞ്ച്​ ഡിഗ്രിക്കും 60 ഡിഗ്രിക്കും ഇടയിലുള്ള താപനിലയിൽ ഭക്ഷണം സൂക്ഷിക്കുന്നത്​​ അപകടകരമാണെന്നാണ്​ വിലയിരുത്തൽ. ഈ താപനിലയിലാണ്​ കീടാണുക്കളും രോഗാണുക്കളും കൂടുതലായി വളരുന്നത്​. മനുഷ്യ ശരീരത്തി​െൻറ ശരാശരി താപനിലയായ 37 ഡിഗ്രിയിലാണ്​ ഏറ്റവും കൂടുതൽ കീടാണുക്കൾ വളരുന്നത്​. ഭക്ഷണം കുറച്ച്​ സമയത്തേക്കോ ദിവസ​ത്തേക്കോ സൂക്ഷിച്ച്​ വെക്കുന്നുണ്ടെങ്കിൽ ഒന്നുകിൽ അഞ്ച്​ ഡിഗ്രിയിൽ താഴെയോ അല്ലെങ്കിൽ 60 ഡിഗ്രിയുടെ മുകളിലോ സൂക്ഷിക്കണം.

പാചകം ചെയ്യു​േമ്പാൾ​ ​ ഭക്ഷണത്തി​െൻറ കോർ ടെമ്പറേച്ചർ 75 ഡിഗ്രി സെൽഷ്യസായിരിക്കണം.