ബ​ലി​പെ​രു​ന്നാ​ൾ; നി​ര​വ​ധി ത​ട​വു​കാ​ർ​ക്ക്​ മാ​പ്പു​ന​ൽ​കി ഭ​ര​ണാ​ധി​കാ​രി​ക​ൾ

അ​ബൂ​ദ​ബി: ബ​ലി​പെ​രു​ന്നാ​ളി​ന്​ മു​ന്നോ​ടി​യാ​യി നി​ര​വ​ധി ത​ട​വു​കാ​ർ​ക്ക്​ മാ​പ്പു​ന​ൽ​കി യു.​എ.​ഇ​യി​ലെ ഭ​ര​ണാ​ധി​കാ​രി​ക​ൾ. യു.​എ.​ഇ ​പ്ര​സി​ഡ​ന്റ് ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ വി​വി​ധ കേ​സു​ക​ളി​ൽ ജ​യി​ലി​ല​ക​പ്പെ​ട്ട 963 ത​ട​വു​കാ​ർ​ക്കാ​ണ്​ മോ​ച​ന​ത്തി​ന്​ വ​ഴി​തു​റ​ന്ന​ത്.ഈ ​ത​ട​വു​കാ​രു​ടെ എ​ല്ലാ പി​ഴ ബാ​ധ്യ​ത​ക​ളും അ​ട​ച്ചു​വീ​ട്ടു​ക​യും ചെ​യ്യും. എ​ല്ലാ​വ​ർ​ഷ​വും ബ​ലി പെ​രു​ന്നാ​ളി​നോ​ട്​ അ​നു​ബ​ന്ധി​ച്ച്​ ത​ട​വു​കാ​ർ​ക്ക്​ മാ​പ്പ്​ ന​ൽ​കാ​റു​ണ്ട്. ഈ ​പ​തി​വ​നു​സ​രി​ച്ചാ​ണ് ഇ​ത്ത​വ​ണ​യും മാ​പ്പ്​ പ്ര​ഖ്യാ​പി​ച്ചി​രി​ക്കു​ന്ന​ത്.

ത​ട​വു​കാ​ർ പു​തി​യ ജീ​വി​തം തു​ട​ങ്ങാ​ൻ അ​വ​സ​ര​മൊ​രു​ക്കാ​നും സ​മൂ​ഹ​ത്തി​ൽ ക്ഷ​മ​യു​ടെ​യും അ​നു​ക​മ്പ​യു​ടെ​യും മൂ​ല്യ​ങ്ങ​ൾ പ്രോ​ത്സാ​ഹി​പ്പി​ക്കാ​നും വേ​ണ്ടി​യാ​ണ്​ മോ​ച​ന​മെ​ന്ന്​ പ്ര​സ്താ​വ​ന​യി​ൽ വ്യ​ക്ത​മാ​ക്കി. യു.എ.ഇ വൈസ്​ പ്രസിഡൻറും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം 985 തടവുകാർക്ക്​ മോചനം നൽകി​. 439 ത​ട​വു​കാ​ർ​ക്ക്​ മോ​ച​നം ന​ൽ​കി​കൊ​ണ്ട്​ സു​പ്രീം​കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ശൈ​ഖ്​ സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി​യും ഉ​ത്ത​ര​വ്​ പു​റ​പ്പെ​ടു​വി​ച്ചി​ട്ടു​ണ്ട്.

ന​ല്ല പെ​രു​മാ​റ്റം അ​ട​ക്ക​മു​ള്ള മാ​ന​ദ​ണ്ഡ​ങ​ൾ അ​ടി​സ്ഥാ​ന​മാ​ക്കി​യാ​ണ്​ മോ​ചി​പ്പി​ക്ക​പ്പെ​ടു​ന്ന ത​ട​വു​കാ​രെ തീ​രു​മാ​നി​ച്ച​തെ​ന്ന്​ പ്ര​സ്താ​വ​ന​യി​ൽ വ്യ​ക്ത​മാ​ക്കി. സു​പ്രീം​കൗ​ൺ​സി​ൽ അം​ഗ​വും ഫു​ജൈ​റ ഭ​ര​ണാ​ധി​കാ​രി​യു​മാ​യ ശൈ​ഖ്​ ഹ​മ​ദ് ബി​ൻ മു​ഹ​മ്മ​ദ് അ​ൽ ശ​ർ​ഖി 112 ത​ട​വു​കാ​ർ​ക്ക്​ മാ​പ്പ്​ ന​ൽ​കി ഉ​ത്ത​ര​വി​ട്ടി​ട്ടു​ണ്ട്. ഇ​തി​ൽ വി​വി​ധ രാ​ജ്യ​ക്കാ​രാ​യ ത​ട​വു​കാ​ർ ഉ​ൾ​പ്പെ​ടു​മെ​ന്നും ന​ല്ല സ്വ​ഭാ​വ​വും പെ​രു​മാ​റ്റ​വും പ​രി​ഗ​ണി​ച്ചാ​ണ്​ മോ​ചി​പ്പി​ക്ക​പ്പെ​ടു​ന്ന​വ​രെ തീ​രു​മാ​നി​ച്ച​തെ​ന്നും പ്ര​സ്താ​വ​ന​യി​ൽ അ​റി​യി​ച്ചു.