വ്യാ​ജ ന​മ്പ​ർ പ്ലേ​റ്റു​മാ​യി യാ​ത്ര: ഡ്രൈ​വ​ർ അ​റ​സ്റ്റി​ൽ

ഷാ​ർ​ജ: വാ​ഹ​ന​ത്തി​ൽ വ്യാ​ജ​ന​മ്പ​ർ പ്ലേ​റ്റ് ഘ​ടി​പ്പി​ച്ച് ഷാ​ർ​ജ​യി​ൽ നി​ര​ന്ത​രം ഗ​താ​ഗ​ത​നി​യ​മ​ലം​ഘ​നം ന​ട​ത്തി​യി​രു​ന്ന ഡ്രൈ​വ​റെ ഷാ​ർ​ജ പൊ​ലീ​സ് അ​റ​സ്റ്റ് ചെ​യ്തു. 137 നി​യ​മ​ലം​ഘ​ന​ങ്ങ​ൾ​ക്ക് ഇ​യാ​ൾ ഒ​രു ല​ക്ഷ​ത്തി നാ​ലാ​യി​രം ദി​ർ​ഹം പി​ഴ​യ​ട​ക്കാ​നു​ണ്ടാ​യി​രു​ന്നു. ഇ​തി​ൽ നി​ന്ന്​ ര​ക്ഷ​പ്പെ​ടാ​നാ​ണ്​ വ്യാ​ജ ന​മ്പ​ർ പ്ലേ​റ്റ്​ ഘ​ടി​പ്പി​ച്ച്​ വാ​ഹ​നം ഓ​ടി​ച്ച​ത്. പി​ടി​യി​ലാ​യ പ്ര​തി ഇ​നി ക്രി​മി​ന​ൽ കു​റ്റ​ത്തി​ന് കൂ​ടി ന​ട​പ​ടി നേ​രി​ടേ​ണ്ടി വ​രും.ഷാ​ർ​ജ പൊ​ലീ​സി​ന്‍റെ കാ​മ​റ​ക​ളി​ൽ പ​ല കേ​സു​ക​ളി​ലാ​യി കു​ടു​ങ്ങി​യ വാ​ഹ​ന​മാ​ണി​ത്. വ്യാ​ജ​ന​മ്പ​ർ പ്ലേ​റ്റ് ഘ​ടി​പ്പി​ച്ച് പൊ​ലീ​സി​നെ​യും പൊ​ലീ​സ് കാ​മ​റ​ക​ളെ​യും ക​ബ​ളി​പ്പി​ക്കാ​നാ​യി​രു​ന്നു ശ്ര​മ​മെ​ങ്കി​ലും ഒ​ടു​വി​ൽ ഇ​യാ​ൾ കു​ടു​ങ്ങി. പ​ല​ത​ര​ത്തി​ലു​ള്ള 137 നി​യ​മ​ലം​ഘ​ന​ങ്ങ​ൾ ഇ​യാ​ൾ റോ​ഡി​ൽ കാ​ണി​ച്ചു​കൂ​ട്ടി​യി​രു​ന്നു.

ഇ​തി​നെ​ല്ലാം ചേ​ർ​ന്ന് 1,0,400 ദി​ർ​ഹം പി​ഴ​യ​ട​ക്കാ​നു​ണ്ടാ​യി​രു​ന്നു. ത​ന്നെ​യു​മ​ല്ല ര​ണ്ടു​വ​ർ​ഷ​ത്തി​ലേ​റെ വാ​ഹ​നം പി​ടി​ച്ചു​വെ​ക്കാ​നു​ള്ള നി​യ​മ​ലം​ഘ​ന​ങ്ങ​ളും ഇ​ക്കൂ​ട്ട​ത്തി​ലു​ണ്ട്. അ​റ​സ്റ്റി​ലാ​യ ഇ​യാ​ളെ തു​ട​ർ ന​ട​പ​ടി​ക​ൾ​ക്കാ​യി പ​ബ്ലി​ക് പ്രോ​സി​ക്യൂ​ഷ​ന് കൈ​മാ​റി​യ​താ​യി ഷാ​ർ​ജ പൊ​ലീ​സി​ന്‍റെ ട്രാ​ഫി​ക് വി​ഭാ​ഗം ഡെ​പ്യൂ​ട്ടി ഡ​യ​റ​ക്ട​ർ കേ​ണ​ൽ ഒ​മ​ർ മു​ഹ​മ്മ​ദ് ബൂ ​ഗാ​നിം പ​റ​ഞ്ഞു. വ്യാ​ജ ന​മ്പ​ർ പ്ലേ​റ്റ് ഉ​പ​യോ​ഗി​ക്കു​ന്ന​തും ന​മ്പ​ർ പ്ലേ​റ്റി​ൽ കൃ​ത്രി​മം ന​ട​ത്തി ന​മ്പ​ർ മ​റ​ച്ചു​വെ​ക്കു​ന്ന​തും ഗ​താ​ഗ​ത നി​യ​മ​ലം​ഘ​നം മാ​ത്ര​മ​ല്ല ക്രി​മി​ന​ൽ കു​റ്റം കൂ​ടി​യാ​ണെ​ന്ന് ഷാ​ർ​ജ പൊ​ലീ​സ് മു​ന്ന​റി​യി​പ്പ് ന​ൽ​കി.