ഷാർജ: കമോൺ കേരള ആറാം എഡിഷനോടനുബന്ധിച്ച് ഏർപ്പെടുത്തിയ ‘ഇന്ത്യൻ ഹ്യുമാനിറ്റേറിയൻ ഐക്കൺ അവാർഡ്’ ബിസിനസ് പ്രമുഖനും ജീവകാരുണ്യ പ്രവർത്തകനുമായ ‘ബോച്ചെ’ എന്ന ബോബി ചെമ്മണൂരിന്. മലയാളിസമൂഹം ഏറ്റെടുത്ത റഹീമിന്റെ മോചനദ്രവ്യ ശേഖരണയജ്ഞമടക്കം വിവിധ ജീവകാരുണ്യ പ്രവർത്തനങ്ങളിലെ സജീവ പങ്കാളിത്തമടക്കം പരിഗണിച്ചാണ് അവാർഡ് നൽകുന്നത്.
ബോബി ചെമ്മണൂര് ഇന്റര്നാഷനല് ഗ്രൂപ്പിന്റെ ചെയര്മാനും മാനേജിങ് ഡയറക്ടറുമായ ബോച്ചെ, ലൈഫ് വിഷന് ചാരിറ്റബിള് ട്രസ്റ്റിന്റെ സ്ഥാപകനുംകൂടിയാണ്. കേരളത്തിലെ വിവിധ സ്ഥലങ്ങളിലായി നിരവധി ജീവകാരുണ്യപ്രവർത്തനങ്ങൾ ട്രസ്റ്റിന് കീഴിൽ നടന്നിട്ടുണ്ട്.
സാമൂഹിക പ്രതിബദ്ധതയോടെ സേവന പ്രവർത്തനങ്ങളിൽ ഇടപെടുന്ന ബോബി ചെമ്മണൂരിന് പ്രവാസ സമൂഹത്തിന്റെ ആദരവെന്ന നിലയിൽകൂടിയാണ് അവാർഡ് സമ്മാനിക്കുന്നത്. കമോൺ കേരളയുടെ രണ്ടാം ദിനമായ ശനിയാഴ്ച വൈകുന്നേരം ഏഴിന് മുഖ്യവേദിയിൽ നടക്കുന്ന ചടങ്ങിൽ അറബ്, ഇന്ത്യൻ പ്രമുഖരുടെ സാന്നിധ്യത്തിലാണ് അവാർഡ് സമ്മാനിക്കുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.