മടപ്പള്ളി ഗവ. കോളജ് അലുംമ്നി പ്രതിനിധികൾ
ആദരവ് ഏറ്റുവാങ്ങുന്നു
ഷാർജ: സ്തുത്യർഹമായ സാമൂഹിക, ജീവകാരുണ്യ പ്രവർത്തനങ്ങൾ കൊണ്ട് കേരളത്തിലെ കലാലയങ്ങളെ പ്രവാസ ലോകത്ത് അടയാളപ്പെടുത്തിയ ഏറ്റവും മികച്ച കോളജ് അലുമ്നികൾക്ക് കമോൺ കേരളയുടെ പ്രൗഢമായ വേദിയിൽ ആദരം.തെരഞ്ഞെടുക്കപ്പെട്ട പത്ത് കോളജ് അലുമ്നികളെയാണ് ആദരിച്ചത്. വൈള്ളിയാഴ്ച വൈകിട്ട് പ്രധാനവേദിയിൽ പ്രമുഖർ പങ്കെടുത്ത ചടങ്ങിൽ പ്രമുഖ ഇമാറാത്തി പരിസ്ഥിതി ഗവേഷകൻ ഡോ. ഉബൈദ് അലി അൽ ശംസി അലുമ്നി ഭാരവാഹികൾക്ക് മെമെന്റോ സമ്മാനിച്ചു.
സെൻറ് തെരേസാസ് അലുമ്നി-ആസ്റ്റ പ്രതിനിധികൾആദരവ് ഏറ്റുവാങ്ങുന്നു
വിമല കോളജ് തൃശൂർ-വിമക്സ്, സർ സയ്യിദ് കോളജ് തളിപ്പറമ്പ് -സ്കോട്ട, സെൻറ് തെരേസാസ് അലുമ്നി-ആസ്റ്റ, എം.ഇ.എസ് എൻജി. കോളജ് കുറ്റിപ്പുറം അലുമ്നി, മടപ്പള്ളി ഗവ. കോളജ് അലുംനി, ഫറൂഖ് കോളജ് ഓൾഡ് സ്റ്റുഡന്റ്സ് അസോസിയേഷൻ-ഫോസ, ദാറുൽ ഹുദ ഇസ്ലാമിക് യൂനിവേഴ്സിറ്റി -ഹിദായ, അസ്മാബി കോളജ് അലുമ്നി അസോസിയേഷൻ, ശ്രീകൃഷ്ണ കോളജ് ഗുരുവായൂർ അലുമ്നി, എം.ഇ.എസ് പൊന്നാനി കോളജ് അലുമ്നി ദുബൈ -മെസ്പ എന്നിവയാണ് ആദരമേറ്റുവാങ്ങിയത്. അന്തിമ പട്ടികയിൽ ഇടം പിടിച്ച പത്ത് അലുമ്നികളിൽ നിന്ന് ഒന്നാമതെത്തിയ അലുമ്നിയെ ശനിയാഴ്ച കമോൺ കേരളയുടെ പ്രധാന വേദിയിൽ പ്രഖ്യാപിക്കും.
ഫറൂഖ് കോളജ് ഓൾഡ് സ്റ്റുഡന്റ്സ് അസോസിയേഷൻ-ഫോസഅലുംമ്നി പ്രതിനിധികൾ ആദരവ് ഏറ്റുവാങ്ങുന്നു
യു.എ.ഇ 2025നെ ‘സാമൂഹിക വർഷ’മായി ആചരിക്കുന്ന പശ്ചാത്തലത്തിലാണ് കുടുംബ സൗഹൃദങ്ങൾ ശക്തമാക്കുന്നതിലും സന്നദ്ധ പ്രവർത്തനമടക്കം സാമൂഹിക ഇടപെടലുകളിലും അലുമ്നികൾ നൽകുന്ന സംഭാവനകളെ ആദരിക്കാനായി വേറിട്ട സംരംഭം നടപ്പിലാക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.