ദുബൈ: ബജറ്റ് എയർലൈനായ ആകാശ എയർ ഇന്ത്യയിൽനിന്ന് അബൂദബിയിലേക്ക് നേരിട്ട് പ്രതിദിന സർവിസ് പ്രഖ്യാപിച്ചു. ബംഗളൂരു, അഹ്മദാബാദ് നഗരങ്ങളിൽനിന്നാണ് പുതിയ സർവിസ് തുടങ്ങുന്നത്. ബംഗളൂരുവിൽനിന്ന് എല്ലാ ദിവസവും രാവിലെ 10ന് പുറപ്പെടുന്ന വിമാനം 12.35ന് അബൂദബിയിൽ എത്തും. തിരിച്ച് പിറ്റേന്ന് പുലർച്ച മൂന്നിന് അബൂദബിയിൽനിന്ന് പുറപ്പെട്ട് രാവിലെ പ്രാദേശിക സമയം 8.45ന് ബംഗളൂരുവിൽ എത്തുന്ന രീതിയിലാണ് സർവിസ് ക്രമീകരണം.
ഹൈദരാബാദിൽനിന്ന് എല്ലാ ദിവസവും രാത്രി 10.45ന് പുറപ്പെടുന്ന വിമാനം പുലർച്ച ഒരുമണിക്ക് അബൂദബിയിൽ എത്തും. തിരിച്ച് ഉച്ചക്ക് 12.50ന് അബൂദബിയിൽനിന്ന് പുറപ്പെട്ട് പ്രാദേശിക സമയം 7.25ന് വിമാനം ഹൈദരാബാദിലെത്തും. യു.എ.ഇയിൽനിന്ന് ഇന്ത്യയിലേക്കുള്ള യാത്രക്കാരുടെ വർധിച്ചുവരുന്ന ഡിമാന്റ് പരിഗണിച്ചാണ് സർവിസ് വിപുലീകരണമെന്ന് കമ്പനി അറിയിച്ചു.
നിലവിൽ 22 ഇന്ത്യൻ നഗരങ്ങളിൽനിന്നും അഞ്ച് രാജ്യാന്തര നഗരങ്ങളിൽനിന്നും ആകാശ എയർ സർവിസ് നടത്തുന്നുണ്ട്. യു.എ.ഇ കൂടാതെ സൗദിയിലെ ജിദ്ദ, റിയാദ്, ഖത്തറിലെ ദോഹ, കുവൈത്ത് സിറ്റി എന്നിവിടങ്ങളിൽനിന്നാണ് അന്താരാഷ്ട്ര സർവിസ് നടത്തുന്നത്. 2022 ആഗസ്റ്റ് ഏഴിനാണ് ചെലവ് കുറഞ്ഞ് വിമാന യാത്ര സാധ്യമാക്കാൻ ലക്ഷ്യമിട്ട് ആകാശ എയർ ആരംഭിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.