അബൂദബി: തലസ്ഥാന എമിറേറ്റില് വില്ക്കുന്ന കളിപ്പാട്ടങ്ങളുടെയും കുട്ടികള്ക്കായുളള ഉല്പന്നങ്ങളുടെ ഗുണമേന്മയും സുരക്ഷിതത്വവും ഉറപ്പുവരുത്തുന്നതിന് നടപടികള് ശക്തമാക്കി. അബൂദബി, അല്ഐന്, പശ്ചിമ മേഖല എന്നിവിടങ്ങളിലായാണ് അബൂദബി ക്വാളിറ്റി ആന്റ് കണ്ഫോമിറ്റി കൗണ്സില് നേതൃത്വത്തില് പരിശോധന നടത്തിയത്. അബൂദബിയിലെ വിപണിയില് വില്ക്കുന്ന കളിപ്പാട്ടങ്ങള് ഗള്ഫ് സ്റ്റാന്ഡേര്ഡൈസേഷന് ഓര്ഗനൈസേഷന്െറ സുരക്ഷാ മാനദണ്ഡങ്ങള് പാലിക്കുന്നുണ്ടോയെന്നാണ് ഉറപ്പുവരുത്തിയത്. വിവിധ ഭാഗങ്ങളിലായി 997 കളിപ്പാട്ടങ്ങളുടെ സുരക്ഷയും ഗുണനിലവാരവുമാണ് പരിശോധിച്ചത്. സുരക്ഷാ മാനദണ്ഡങ്ങള് പാലിക്കാത്ത നാല് സ്ഥാപനങ്ങള് മുന്നറിയിപ്പ് നോട്ടിസും നല്കി. ഇവ വിപണിയില് നിന്ന് പിന്വലിക്കാന് ഉത്തരവിടുകയും ചെയ്തു. ജനങ്ങളുടെയും കുട്ടികളുടെയും സുരക്ഷ ഉറപ്പുവരുത്തുന്നതിന്െറയും ഭാഗമായി തുടര്ച്ചയായി പരിശോധനകള് നടത്തുകയാണെന്ന് അബൂദബി ക്വാളിറ്റി ആന്റ് കണ്ഫോമിറ്റി കൗണ്സില് മാര്ക്കറ്റിങ് ആന്റ് കമ്മ്യൂണിക്കേഷന്സ് ഡയറക്ടര് മുഹമ്മദ് ഹിലാല് അല് ബലൂഷി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.