യാം​ബു വി​ളി​ക്കു​ന്നു, പ​വി​ഴ​പ്പു​റ്റു​ക​ളു​ടെ അ​പൂ​ർ​വ കാ​ഴ്ച​ക്കും ക​ട​ൽ ഡൈ​വി​ങ്ങി​നും

യാം​ബു: ഡൈ​വി​ങ് ക​മ്പ​ക്കാ​രു​ടെ​യും പ​വി​ഴ​പ്പു​റ്റു​ക​ളെ കു​റി​ച്ചു​ള്ള വി​വ​ര​ങ്ങ​ൾ തേ​ടു​ന്ന സ​മു​ദ്ര​ഗ​വേ​ഷ​ക​രു​ടെ​യും ഇ​ഷ്​​ട​കേ​ന്ദ്ര​മാ​യി യാം​ബു ചെ​ങ്ക​ട​ൽ ഭാ​ഗ​ങ്ങ​ൾ മാ​റു​ന്നു. സ​ഞ്ചാ​രി​ക​ളു​ടെ​യും ഗ​വേ​ഷ​ക​രു​ടെ​യും വി​സ്മ​യ​മാ​യി മാ​റി​യി​രി​ക്കു​ക​യാ​ണ് ഇ​വി​ടു​ത്തെ പ​വി​ഴ​പ്പു​റ്റു​ക​ൾ ഉ​ൾ​ക്കൊ​ള്ളു​ന്ന ശാ​ന്ത​മാ​യ, തെ​ളി​ഞ്ഞ ക​ട​ൽ​ഭാ​ഗ​ങ്ങ​ൾ. ഓ​റ​ഞ്ച്, ബ്രൗ​ൺ, പി​ങ്ക്, നീ​ല നി​റ​ങ്ങ​ളി​ലു​ള്ള​വ​യാ​ണ് പ​വി​ഴ​പ്പു​റ്റു​ക​ളി​ൽ ഏ​റെ​യു​മെ​ന്ന് മ​റൈ​ൻ ബ​യോ​ള​ജി​സ്​​റ്റു​ക​ൾ സാ​ക്ഷ്യ​പ്പെ​ടു​ത്തു​ന്നു. യാം​ബു ചെ​ങ്ക​ട​ൽ തീ​ര​ങ്ങ​ളി​ലെ പ​രി​സ്ഥി​തി സം​ര​ക്ഷ​ണ​ത്തി​ന് അ​ധി​കൃ​ത​ർ ന​ൽ​കു​ന്ന പ്രാ​ധാ​ന്യം പ്ര​കൃ​തി വി​ഭ​വ​ങ്ങ​ളു​ടെ വ​ള​ർ​ച്ച​ക്കും അ​ഭി​വൃ​ദ്ധി​ക്കും ഗു​ണ​ക​ര​മാ​യി വ​ർ​ത്തി​ക്കു​ന്നു. സൗ​ദി​യി​ലെ മു​ൻ​നി​ര സ​മു​ദ്ര ടൂ​റി​സം അ​നു​ഭ​വ​ങ്ങ​ളി​ലൊ​ന്നാ​യി യാം​ബു പൊ​തു​വേ ക​ണ​ക്കാ​ക്ക​പ്പെ​ടു​ന്നു. അ​ത്യാ​ക​ർ​ഷ​ക​വും വൃ​ത്തി​യു​മു​ള്ള പ​വി​ഴ​പ്പു​റ്റു​ക​ളാ​ൽ സ​മ്പ​ന്ന​മാ​ണ് യാം​ബു ക​ട​ൽ​ഭാ​ഗ​ങ്ങ​ൾ. വ​ർ​ണ​മ​ത്സ്യ​ങ്ങ​ളു​ടെ നി​റ​സാ​ന്നി​ധ്യ​ത്താ​ൽ ക​ണ്ണ​ഞ്ചി​പ്പി​ക്കു​ന്ന നേ​ർ​ക്കാ​ഴ്‌​ച​ക​ൾ ആ​സ്വ​ദി​ക്കാ​നാ​ണ് ഡൈ​വി​ങ് ക​മ്പ​ക്കാ​ർ വി​ദേ​ശ രാ​ജ്യ​ങ്ങ​ളി​ൽ​നി​ന്ന​ട​ക്കം ഇ​വി​ടേ​ക്ക് എ​ത്തു​ന്ന​ത്. ഡൈ​വി​ങ്ങി​ലൂ​ടെ ഹൃ​ദ്യ​മാ​യ കാ​ഴ്ച​ക​ൾ എ​മ്പാ​ടും ആ​സ്വ​ദി​ക്കാ​ൻ യാം​ബു ബീ​ച്ചി​ൽ 'വി​സി​ബി​ലി​റ്റി' കൂ​ടു​ത​ലാ​ണ് എ​ന്ന​തി​നാ​ൽ നി​ർ​ഭ​യ​മാ​യി ഡൈ​വി​ങ്​ ചെ​യ്യാ​ൻ സാ​ധി​ക്കും. മി​ത​മാ​യ കാ​ലാ​വ​സ്ഥ​യും മ​നോ​ഹ​ര​മാ​യ പ്ര​കൃ​തി​ദൃ​ശ്യ​ങ്ങ​ളും ധാ​രാ​ളം ഡൈ​വി​ങ് പ​രി​ശീ​ല​ന ക്ല​ബു​ക​ളും ഈ ​മേ​ഖ​ല​യി​ലേ​ക്ക് താ​ൽ​പ​ര്യ​ക്കാ​രെ ആ​ക​ർ​ഷി​ക്കു​ന്ന മു​ഖ്യ ഘ​ട​ക​ങ്ങ​ളാ​ണ്.

സൗ​ദി ഫെ​ഡ​റേ​ഷ​ൻ ഓ​ഫ് മ​റൈ​ൻ സ്പോ​ർ​ട്സ് അ​തോ​റി​റ്റി ഡൈ​വി​ങ് താ​ൽ​പ​ര്യ​ക്കാ​രെ പ്രോ​ത്സാ​ഹി​പ്പി​ക്കാ​ൻ വേ​ണ്ട പ​രി​പാ​ടി​ക​ളു​മാ​യി രം​ഗ​ത്തു​ണ്ട്. സൗ​ദി ടൂ​റി​സം ആ​ൻ​ഡ്​ ഹെ​റി​റ്റേ​ജ് അ​തോ​റി​റ്റി​യു​ടെ ആ​ഭി​മു​ഖ്യ​ത്തി​ൽ യാം​ബു​വി​ൽ ന​ട​ത്താ​റു​ള്ള ഡൈ​വി​ങ് ഫെ​സ്​​റ്റി​വ​ലി​ൽ പ​ങ്കെ​ടു​ക്കാ​നും ധാ​രാ​ളം ഡൈ​വി​ങ് ക​മ്പ​ക്കാ​ർ എ​ത്താ​റു​ണ്ട്. 30 വ​ർ​ഷ​ങ്ങ​ൾ​ക്കു മു​മ്പ് യാം​ബു ക​ട​ലി​ൽ മു​ങ്ങി​യ ക​പ്പ​ൽ കാ​ണാ​നു​ള്ള പ​ര്യ​വേ​ക്ഷ​ണ ട്രി​പ്പ്, ഡൈ​വി​ങ് എ​ക്സി​ബി​ഷ​നു​ക​ൾ, സീ ​തി​യ​റ്റ​ർ, ആ​ർ​ട്ടി​സ്​​റ്റി​ക് സാ​യാ​ഹ്ന​ങ്ങ​ൾ, വെ​ർ​ച്വ​ൽ റി​യാ​ലി​റ്റി ഡൈ​വി​ങ്​ എ​ന്നി​വ​യും ഉ​ത്സ​വ​ത്തോ​ട​നു​ബ​ന്ധി​ച്ച് ന​ട​ക്കും. നാ​ഷ​ന​ൽ ഹെ​റി​റ്റേ​ജ് വി​ഭാ​ഗം, ബോ​ർ​ഡ​ർ ഗാ​ർ​ഡ് വി​ഭാ​ഗം, യാം​ബു റോ​യ​ൽ ക​മീ​ഷ​ൻ അ​തോ​റി​റ്റി, റെ​ഡ് ക്ര​സ​ൻ​റ്, ഗ​വ​ർ​ണ​റേ​റ്റി​ലെ ഡൈ​വി​ങ്​ സെൻറ​റു​ക​ൾ എ​ന്നി​വ​യു​ടെ പ​ങ്കാ​ളി​ത്ത​ത്തോ​ടെ​യാ​ണ് മേ​ള ഒ​രു​ക്കാ​റു​ള്ള​ത്. ഡൈ​വി​ങ് ഫെ​സ്​​റ്റി​വ​ലി​ലൂ​ടെ ടൂ​റി​സം മേ​ഖ​ല​ക്ക് പു​തി​യ ദി​ശാ​ബോ​ധം കൈ​വ​രി​ക്കാ​നും ക​ട​ലി​ലെ പു​തി​യ വി​വ​ര​ങ്ങ​ൾ സ​മൂ​ഹ​ത്തി​ന് പ​കു​ത്തു​ന​ൽ​കാ​നും ക​ഴി​യു​മെ​ന്ന ക​ണ​ക്കു​കൂ​ട്ട​ലി​ലാ​ണ് അ​ധി​കൃ​ത​ർ. ഡൈ​വി​ങ് പ​ഠ​നം പൂ​ർ​ത്തി​യാ​ക്കി അം​ഗീ​കാ​ര​പ​ത്ര​മു​ള്ള​വ​ർ​ക്കു മാ​ത്ര​മേ ഇ​വി​ടെ ഡൈ​വി​ങ്ങി​നാ​യി പ്ര​ത്യേ​കം അ​നു​വ​ദി​ച്ച ക​ട​ൽ​ഭാ​ഗ​ങ്ങ​ളി​ൽ ഇ​റ​ങ്ങാ​ൻ അ​ധി​കൃ​ത​ർ അ​നു​വാ​ദം ന​ൽ​കൂ.