ഹാഇൽ: ഉംറ യാത്രക്കിടെ അപകടത്തിൽ മരിച്ച മലയാളി യുവതിയുടെ കുഞ്ഞും മരിച്ചു. കോഴിക്കോട് കൊടുവളളി കരുവെമ്പായിൽ സ്വദേശിനി സഫീനയുടെ മൂന്നര വയസുള്ള കുട്ടി മുഹമ്മദ് ഷഹീനാണ് മദീന കിങ് ഫഹദ് ആശുപത്രിയിൽ മരിച്ചത്. സഫീനയുടെ ഭർത്താവ് കോഴിക്കോട് പൂനൂർ സ്വദേശി അബൂബക്കർ സിദ്ദീഖിനും മകൾ ഫാത്തിമ ഷെറിനും കൂടെ സഞ്ചരിച്ച സുഹൃത്ത് റംഷീദും കുടുംബവും നിസാര പരിക്കുകളോടെ രക്ഷപ്പെട്ടിരുന്നു.
വ്യാഴാഴ്ച രാത്രിയാണ് രണ്ട് മലയാളി കുടുംബങ്ങൾ ഹാഇലിൽ നിന്ന് കാറിൽ ഉംറക്ക് പുറപ്പെട്ടത്. വെള്ളിയാഴ്ച സുബ്ഹി നമസ്കാരം കഴിഞ്ഞ് മക്കയിലേക്ക് യാത്ര തുടരുന്നതിനിടെ മദീനയിൽ നിന്ന് 175 കിലോമീറ്റർ അകലെ അൽ ഹംനയിൽ ഇവർ സഞ്ചരിച്ച കാർ ബാരിക്കേഡിൽ ഇടിച്ച് മറിയുകയായിരുന്നു. സിദ്ദീഖിെൻറ ഭാര്യ സഫീന തൽക്ഷണം മരിച്ചു. മകൻ മുഹമ്മദ് ഷഹീൻ ഗുരുതരാവസ്ഥയിൽ ചികിൽസയിലായിരുന്നു. കൊടുവള്ളി കരുവൻ പൊയിൽ പാറക്കൽ അഹമ്മദ് കുട്ടിയുടെയും ഫാത്തിമയുടെയും മകളാണ് മരിച്ച സഫീന.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.