റിയാദ്: വാഹനാപകടത്തിൽ പരിക്കേറ്റ് റിയാദിലെ ആശുപത്രിയിൽ വെൻറിലേറ്ററിലായിരുന്ന മലയാളി മരിച്ചു. തൃശൂർ കൊടുങ്ങല്ലൂർ പുളിയനാർ പറമ്പിൽ രാജെൻറ മകൻ അരുൺ (29) ആണ് ബുധനാഴ്ച വൈകീട്ട് റിയാദ് ദല്ല ആശുപത്രിയിൽ മരിച്ചത്. ഇൗ മാസം മൂന്നിന് ദല്ലയിൽ വെച്ചുണ്ടായ കാറപകടത്തിൽ പരിക്കേറ്റ യുവാവിന് മസ്തിഷ്ക മരണം സംഭവിച്ചിരുന്നു. നാട്ടുകാരായ സുഹൃത്തുക്കളോടൊപ്പം യാത്ര പോയ കാർ നിയന്ത്രണം വിട്ട് റോഡിലെ ഡിവൈഡറിൽ ഇടിച്ചാണ് അപകടമുണ്ടായത്.
തലക്ക് ഗുരുതരമായി പരിക്കേറ്റിരുന്നു. റിയാദിൽ മൂന്നുവർഷമായി ജോലി ചെയ്യുന്നു. കഴിഞ്ഞ വർഷം നാട്ടിൽ പോയി മടങ്ങിയതാണ്. അച്ഛനും അമ്മയും ഒരു സഹോദരനും സഹോദരിയുമുണ്ട്. അവിവാഹിതനാണ്. മൃതദേഹം നാട്ടിൽ കൊണ്ടുപോകാൻ ഉണ്ണികൃഷ്ണെൻറ നേതൃത്വത്തിൽ നാട്ടുകാർ രംഗത്തുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.