ദമ്മാം: കഴിഞ്ഞ ദിവസം ഖഫ്ജിയിൽ കാറിടിച്ച് ഗുരുതര പരിക്കുകളോടെ ദമ്മാം അൽ മുവാസാത്ത് ആശുപത്രിയിൽ പ്രവേശിപ്പിച്ച കൊല്ലം കടയ്ക്കൽ ദർപ്പക്കാട് സ്വദേശി നസീർ (42) മരിച്ചു. നാല് ദിവസം മുമ്പ് സൈക്കിളിൽ പോവുേമ്പാൾ എതിരെ വന്ന കാർ ഇടിച്ചാണ് അപകടമുണ്ടായത്.
ഉടൻ ഖഫ്ജി നാഷനൽ ആശുപത്രിയിൽ പ്രവേശിപ്പിച്ചു. പിന്നീടാണ് ദമ്മാം ആശുപത്രിയിലേക്ക് മാറ്റിയത്. വെള്ളിയാഴ്ച ഉച്ചയോടെയാണ് മരണം. 23 വർഷമായി എം.എസ് അറബ് കോൺട്രാക്ടിങ് കമ്പനിയിലാണ് ജോലി. കൊല്ലം ദർപ്പക്കാട് അംബേദ്കർ കോളനിയിലെ ഇബ്രാഹിം കുഞ്ഞാണ് പിതാവ്. ഭാര്യ: റഫീന. രണ്ട് മക്കളുണ്ട്. മൃതദേഹം ഖഫ്ജിയിൽ തന്നെ സംസ്കരിക്കുമെന്ന് ബന്ധപ്പെട്ടവർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.