അച്ഛൻ ഹ്രസ്വ ചലച്ചിത്രത്തിന്‍റെ പോസ്റ്റർ പ്രകാശന ചടങ്ങ്
ദമ്മാം: ഷനീബ് അബൂബക്കർ കഥയും തിരക്കഥയും എഴുതി, സഹീർഷാ സംവിധാനം ചെയ്യുന്ന 'അച്ഛൻ' എന്ന ഹ്രസ്വ ചലച്ചിത്രത്തിന്‍റെ ആദ്യ പോസ്റ്റർ പ്രകാശനം ചെയ്തു. ദമ്മാമിൽ നടന്ന ചടങ്ങിൽ മാധ്യമപ്രവർത്തകൻ സാജിദ് ആറാട്ടുപുഴ, നാടകപ്രവർത്തകൻ ജേക്കബ് ഉതുപ്പ്, ഡോ. സിന്ധു ബിനു എന്നിവർ ചേർന്നാണ് പോസ്റ്റർ പ്രകാശനം നിർവഹിച്ചത്. പ്രാഞ്ചിയേട്ടൻ ബാനറിൽ നിർമിക്കുന്ന ചിത്രത്തിന്‍റെ അണിയറ പ്രവർത്തനങ്ങൾ പുരോഗമിക്കുന്നു. അടുത്തമാസത്തോടെ ചിത്രീകരണം പൂർത്തിയാകും. അതിന്‍റെ അർഥബോധത്തിൽ നിന്ന് രൂപപ്പെട്ട സംഭവമാണ് ഇതിന്‍റെ ഇതിവൃത്തം. ജസീര്‍ കണ്ണൂര്‍, സുദര്‍ശന്‍, മേഘ തമ്പാന്‍, വിനോദ് കുഞ്ഞ്, പുണ്യ പ്രശാന്ത്, ഷാജു അഞ്ചേരി, നീതു ശ്രീവത്സന്‍, സഫീര്‍ കുണ്ടറ, ഷഫീക്ക് ഡ്രോപ്സ്, സൗമ്യ ഹരികുമാര്‍, ഷീജ സതീഷ്‌, ലതീഷ് ചന്ദ്രന്‍, വിനീഷ് തുടങ്ങിയ കലാപ്രവർത്തകർ വിവിധ മേഖലകളിൽ ചിത്രത്തിന്‍റെ ഭാഗമാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.