യാമ്പു: യാമ്പു, അൽ ഉല, അൽ അയ്സ്, ബദ്ർ തുടങ്ങിയ പ്രദേശങ്ങളിൽ വ്യാഴാഴ്ച ഇടിയോടുകൂടിയ മ ഴ പെയ്തു. ചില ഭാഗങ്ങളിൽ വെള്ളക്കെട്ട് അനുഭവപ്പെട്ടതോടെ ഗതാഗതം താറുമാറായി. മഴയിൽ നിയന്ത്രണം വിട്ട വാഹനങ്ങളിൽ മറ്റു വാഹനങ്ങളിടിച്ച് യാമ്പുവിലെ റാഡിസൺ ഹോട്ടലിന് മുന്നിലെ റോഡിൽ അപകടമുണ്ടായി. പരിക്കേറ്റവരെ ആശുപത്രിയിലേക്കു മാറ്റി.
വ്യാഴാഴ്ച രാവിലെ മൂടിക്കെട്ടിയ അന്തരീക്ഷമായിരുന്നു മേഖലയിൽ. ഇടിമിന്നലോടുകൂടിയ സാമാന്യം നല്ല മഴയാണ് ചില പ്രദേശങ്ങളിൽ പെയ്തത്. സിവിൽ ഡിഫൻസ് ഉദ്യോഗസ്ഥർ സജീമായി എല്ലായിടത്തും രംഗത്തിറങ്ങി. താഴ്വാരങ്ങളിലും മലഞ്ചെരുവുകളിലും താമസിക്കുന്നവർക്ക് കൂടുതൽ ജാഗ്രത നിർദേശം നൽകി. വരും ദിവസങ്ങളിലും മേഖലയിൽ കനത്ത മഴക്കും ഇടിമിന്നലിനും സാധ്യതയുണ്ടെന്നും ശ്രദ്ധ വേണമെന്നും സിവിൽ ഡിഫൻസ് മുന്നറിയിപ്പ് നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.