റിയാദ്: സൗദി സന്ദർശന ഒാർമക്ക് റഷ്യൻ പ്രസിഡൻറ് വ്ലാദ്മിർ പുടിൻ സൗദി ഭരണാധികാ രി സൽമാൻ രാജാവിന് സമ്മാനം നൽകിയത് അപൂർവ ഇനം ഫാൽക്കൺ പക്ഷിയെ. യമാമ കൊട്ടാരത്തി ലെ സ്വീകരണത്തിനിടയിലാണ് ഫാൽക്കണെ നൽകിയത്. ലോകത്ത് ഏറ്റവും കൂടുതൽ ഫാൽക്കണുകളുള്ള രാജ്യമാണ് റഷ്യ. ലോകത്തിലെ അപൂർവ ഇനം ഫാൽക്കണുകളിലൊന്നാണിതെന്ന് റഷ്യൻ വാർത്ത ഏജൻസി സ്പുട്നിക് വിശദീകരിച്ചു.
ചുവന്ന പരുന്ത് കുടുംബത്തിൽപ്പെട്ടതാണിത്. അൽഫ എന്ന പേരിലാണ് ഇതറിയപ്പെടുന്നത്. റഷ്യയിലെ ‘കാംചാട്ക’എന്ന പ്രദേശത്താണ് ഇൗ ഇനം ഫാൽക്കണെ കണ്ടുവരുന്നത്. മുമ്പ് ‘നോർത്ത് സ്റ്റാർ’എന്ന പേര് ഇതിനുണ്ടായിരുന്നു. ലോകത്ത് ഇൗ ഇനത്തിൽപ്പെട്ട ഫാൽക്കണുകൾ ആയിരത്തിൽപരം മാത്രമേയുള്ളൂ. സ്വീകരണത്തിനിടയിൽ സൽമാൻ രാജാവ് ‘അത്വാഅ് നജ്ദ്’എന്ന പേരിലുള്ള ഫലകം റഷ്യൻ പ്രസിഡൻറിന് സമ്മാനിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.