വദീഅ: വാഹനത്തിനുള്ളിൽ പരുന്തുകളെ സൗദിയിലേക്ക് ഒളിപ്പിച്ചു കടത്താനുള്ള ശ്രമം കസ്റ്റംസ് വിഫലമാക്കി. തെക്കൻ അതിർത്തിയിലെ വദീഅ ചെക്ക് പോസ്റ്റ് വഴിയാണ് പന്തുകളെ സ്വകാര്യ വാഹനത്തിൽ കടത്താൻ ശ്രമിച്ചത്. വാഹന പരിശോധനക്കിടയിലാണ് മൂന്നു പരുന്തുകളെ കണ്ടെത്തിയതെന്ന് വദീഅ കസ്റ്റംസ് മേധാവി അഹ്മദ് അൽമാലികി പറഞ്ഞു. മുൻ സീറ്റിനുള്ളിൽ ‘സോക്സി’നുള്ളിൽ കാണാത്തവിധം ഒളിപ്പിച്ച നിലയിലായിരുന്നു പരുന്തുകൾ. പിടിയിലായ ആൾക്കെതിരെ നടപടി സ്വീകരിച്ചു വരികയാണ്. പക്ഷികൾ, മൃഗങ്ങൾ എന്നിവയെ രാജ്യത്തേക്ക് കൊണ്ടുവരികയോ, കൊണ്ടുപോകുകയോ ചെയ്യുന്നവർ മുൻകൂട്ടി ബന്ധപ്പെട്ട വകുപ്പുകളിൽ നിന്ന് നടപടികൾ പൂർത്തിയാക്കിയിരിക്കണം. പ്രകൃതി സംരക്ഷണത്തിന് കസ്റ്റംസ് വലിയ പരിഗണ നൽകുന്നുണ്ടെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.